Jeksenbi kúni Britaniia aýrýhanalarynda koronavirýstan qaitys bolǵandar sany 10 myń adamnan asty. Bul, qarttar úiinde nemese óz úiinde Covid-19-dan kóz jumǵandardy qospaǵandaǵy málimet, dep habarlaidy VVS.
Jeksenbi kúngi derekter boiynsha, Angliiada - - 657, Shotlandiiada 24, Ýelste - 18, Soltústik Irlandiiada 11 adam qaitys bolǵan.
Premer-ministr Boris Djonson aýrýhanadan shyǵaryldy. Biraq ol dárigerlerdiń usynysy boiynsha jumysyna ázirge kirispei, premer-ministrdiń qala mańyndaǵy Chequers resmi rezidentsiiasynda saýyǵýdy jalǵastyrady.
DDU-nyń sońǵy málimetterine sáikes, dúniejúzinde Covid-19 juqtyrǵandar sany 1,7 mln-ǵa jýyqtady, shamamen 106 myń adam kóz jumdy. Virýs juqtyrý jaǵdaiynyń eń kóbi Eýropada tirkelgen. 880 myńnan astam adam koronavirýs juqtyrǵan.
Djons Hopkins ýniversitetiniń aqparaty boiynsha, qazirgi ýaqytta Eýropa elderi arasynda koronavirýstan ólim Italiiada eń kóp tirkelgen. Munda 19 myń adam kóz jumǵan. Odan keiingi oryndarda – Ispaniia, Frantsiia jáne Ulybritaniia tur.
Germaniiada biliktiń qolǵa alǵan sharalarynyń arqasynda qaitys bolǵandardyń sany 3 myńnan aspaidy. Germaniiada aýrýhanalarǵa kelip túsetin patsientter sany Britaniiaǵa qaraǵanda tómen bolýynyń sebebi ótkizilip jatqan testileýdiń aýqymymen bailanysty ekendigi atap ótilýde.
Britandyq bilik te sáýir aiynyń sońyna deiin kún saiyn 100 myń adamǵa test jasaýdy jolǵa qoiatynyn málimdep úlgerdi. Alaida, synshylar bul kórsetkishke kúmánmen qaraidy.
AQSh-ta koronavirýstan qaitys bolǵandar sany 20 myń adamnan asty. Bul – álemniń kez kelgen basqa eline qaraǵanda eń kóp kórsetkish. Buǵan deiin eń kóp ólim-jitim Italiiada bolǵan, biraq qazir Eýropadaǵy jaǵdai turaqtana bastady. Djons Hopkins ýniversitetiniń sońǵy málimetteri boiynsha, AQSh-ta Covid-19-dan kóz jumǵandardyń jalpy sany – 20,6 myń adam, diagnoz 530 myńnan astam patsientke qoiylǵan.
Buǵan deiin AQSh virýstan bir táýlik ishinde eki myńnan astam patsient qaitys bolǵan álemniń alǵashqy eli boldy.
Álemde jeksenbi kúngi Covid-19 jaǵdaiy boiynsha, 1 mln 760 myń adam aýyrǵan. 110 myńnan astam adam qaitys boldy (bul derekter DDU derekterinen sál ózgeshe). Senbi kúni Amerikanyń barlyq shtatynda pandemiiaǵa bailanysty tótenshe jaǵdaidy engizildi.
Jeksenbi kúngi málimetter boiynsha Ispaniiada koronavirýstan 619 adam qaitys boldy, bul senbi kúngi kórsetkishterden (510 jaǵdai bolǵan) birshama joǵary.
Sońǵy táýlikte Ispaniiada virýs juqtyrǵandar sany 5 myń adamnan asty, osylaisha Covid-19 virýsymen aýyrǵandardyń jalpy sany 166 myń adamǵa jetip otyr.
Ispaniia – Frantsiiadan keiingi týrister sany boiynsha álemdegi ekinshi el, al týrizm sektory onyń ekonomikasynyń 12% quraidy. Eýropa elderi arasynda koronavirýstan ólim-jitimniń eń kóp sany áli de Italiiada, munda 19,4 myń adam qaitys boldy.
Bul elde Covid-19 koronavirýsymen 152,2 myń adam aýyrǵan.
Frantsiiada senbide qaitys bolǵandardyń sany jumamen salystyrǵanda úshten birge azaiǵan. Bul elde 130,7 myń adamǵa Covid-19 diagnozy qoiylsa, 13,8 myń adam atalǵan indetten kóz jumǵan.
