Qazaqstanǵa koronavirýstyń kelý táýekeli joǵary. Bul týraly búgin BAQ ókilderimen kezdesken QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Qazaqstanda koronavirýs bolǵan jaǵdaida ony jasyryp otyrý múmkin emes. Qazir elimizde koronavirýs joq. Biraq, ol Qazaqstanǵa kelmeidi dep aita almaimyn. Onyń sebebi – táýekeli óte joǵary. Biz elimizde osyndai naýqastar bolsa, infektsiia taralsa dep qajetti sharalardy daiyndap jatyrmyz. Ol daiyndyq óte mańyzdy. Ózderińizde kórip otyrsyzdar, Dúniejúzilik densaýlyq saqtaý uiymy, basqa da memleketterdiń basshylary eń mańyzdy másele – aldyn alý ekendigin aityp jatyr. Máselen, búgin Germaniia Úkimetiniń basshysy elde epidemiia bastalǵandyǵyn jariialady», - dedi ministr.
Onyń atap ótýinshe, koronavirýs dúniejúzine jyldam taralyp jatqan infektsiialyq aýrý sanalady.
«Bul infektsiianyń ereksheligi sonda. Biraq juqtyrǵan adamnyń barlyǵy ólip ketedi deý durys emes. Oǵan senbeńizder. Jalpy, basqa da infektsiialyq aýrýlar bizde jyl saiyn bolady. Qyzylsha, tyrysqaq keledi. Mundai jaǵdaida naqty sharalar sanitarlyq qyzmet tarapynan qabyldanady. Zańǵa sáikes sanitarlyq qyzmettiń mundai múmkinshiligi bar. Sanitarlyq dáriger aitqan keńesterdi qoldaý kerek. Sonda qaýipti jaǵdaidy tómendetýge múmkindik bolady. Úrei shaqyratyn, qorqatyn eshteńesi joq. Bul kádimgi infektsiialyq aýrý. Kóz jumǵandardyń sany 100 adamnyń ishinde 3 paiyz ǵana. Onyń kóbisi sozylmaly aýrýmen aýyratyn qart adamdar, immýnietti tómen adamdar. Balalarymyz aýyryp, qaitys bolady degen feik aqparat. Oǵan senbeńizder. Búkil qajetti aqparatty berip turamyz. Sony tyńdap, baqylaýda ustaý qajet. Basqa taraǵan aqparatqa senbeńizder», - dedi Eljan Birtanov.
