Batys Qazaqstan oblysynda sońǵy tirkelgen bes naýqastyń tórteýi Reseiden kelgen, dep habarlaidy "Ult aqparat".
BQO-nyń shuǵyl shtaby málim etkenindei, olardyń bári de – oblys turǵyndary.
Bulardyń ishinde birinshisi – Oral qalasynyń 30 jastaǵy turǵyny. Koronavirýs juqtyrǵan adammen qarym-qatynasta bolýyna bailanysty ol karantindik statsionarǵa jatqyzylyp, zerthanalyq synama alynǵan.
Búgin koronavirýs anyqtalǵan tórt turǵyn Reseide vahtalyq ádispen jumys jasaidy. Olar Saratov oblysymen shekarada ornalasqan «Tasqala» avtoótkelindegi sanitarlyq-karantindik beketten ótken kezde densaýlyqtaryna eshqandai shaǵymy bolmaǵan. Karantindik statsionarǵa jiberilip, zerthanalyq tekserý qorytyndysymen bulardan da koronavirýs anyqtaldy.
Qazirgi tańda oblystyq juqpaly aýrýlar aýrýhanasynda jatqan naýqastardyń jaǵdaiy qanaǵattanarlyq.
Syrqattarmen qarym-qatynasta bolǵandar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidzertteý jáne dezinfektsiialyq jumystar júrgizilýde.
Osylaisha BQO-da aýyrǵandar sany 30-ǵa jetse, sonyń ekeýi jazylyp shyqty.
Kúni búgin provizorlyq statsionarda 50, karantindik statsionarda 158 adam jatyr. Úiinde oqshaýlanǵan 1396 adam dárigerlerdiń baqylaýynda.
Eske sala keteiik, budan buryn BQO-da ekinshi adamnyń úiine shyǵarylǵanyn jazǵan bolatynbyz.
