Ánshi Juldyz Ómirǵali kezekti suhbatynda jubaiy Aiqyn Tólepbergenmen tanysqan kezeńin eske alyp, olardyń arasyndaǵy qarym-qatynastyń qalai bastalǵanyn aityp berdi, dep habarlaidy ult.kz.
Óner iesiniń aitýynsha, Aiqynmen tanysqan ýaqytta ánshiniń birinshi áieli júkti bolǵan. Juldyz bul jaǵdaidan keiin qarym-qatynasty toqtatýǵa tyrysqanyn jasyrmady.
“Biz tanysqan kezde onyń áielimen birge túsken beinebaiany jaryq kórdi. Sol ýaqytta qarym-qatynasymyzdy toqtatý kerek dep sheshtim. Bir aidai odan qashqaqtap júrdim. Biraq keiin ol kelip, maǵan degen sezimin dáleldedi. Bul sheshimdi ózi qabyldaǵanyn jáne onyń jaýapkershiligin de ózi kóteretinin aitty”, – dedi ánshi.
Juldyz Ómirǵali ekeýiniń qazan aiynda tanysyp, jeltoqsannan bastap kezdeskenin jetkizdi. Al Aiqynnyń birinshi áieli kelesi jyldyń mamyr aiynda bosanǵan. Ánshiniń sózinshe, sodan keiin ajyrasý protsesi bastalǵan.
Sondai-aq óner iesi jubaiynyń burynǵy otbasymen bailanysyna qatysty ustanymyn da bildirdi. Ol Aiqynnyń balalarymen jáne burynǵy áielimen aralasýyna eshqandai kedergi keltirmeitinin atap ótti.
Aita keteiik, Aiqyn Tólepbergen AQSh-taǵy prezident sailaýynda kim jeńetinin boljaǵanyn habarlaǵan edik.
Aiqyn Tólepbergen kim?
Aiqyn Tólepbergen – qazaqstandyq tanymal estrada ánshisi, kompozitor, án avtory jáne prodiýser. Ol 1982 jyly 10 aqpanda Almaty qalasynda dúniege kelgen. Tolyq aty-jóni – Aiqyn Nurtanuly Tólepbergen. Ánshi Qanysh Sátbaev atyndaǵy Qazaq ulttyq tehnikalyq ýniversitetinde injener-poligrafist mamandyǵy boiynsha bilim alǵan.
Aiqyn Tólepbergen kópshilikke 2003 jyly “SuperStar KZ” mýzykalyq jobasyna qatysý arqyly tanyla bastady. Keiin 2006 jyly halyqaralyq “Novaia volna” baiqaýynda óner kórsetip, arnaiy júldege ie boldy. Onyń “Asylym”, “Jalǵyz sen”, “Men ǵashyqpyn”, “Altynym”, “Jalań aiaq qyz” jáne basqa da ánderi tyńdarman arasynda keńinen tanyldy.
Óner iesi ánshilikpen qatar kino salasynda da baǵyn synap, birneshe otandyq filmge túsken. Sondai-aq prodiýserlik qyzmetpen ainalysady. Onyń jubaiy – ánshi Juldyz Ómirǵali. Ekeýi shyǵarmashylyq jobalarǵa birge qatysyp, sahnada dýet te oryndaidy.
