Oblystyq juqpaly aýrýlar aýrýhanasynda dárigerlerdiń talabyna baǵynbai júrgen birneshe emdelýshi bar. Bul týraly Batys Qazaqstan oblystyq densaýlyq saqtaý basqarmasynyń basshysy Bolatbek Qaiýpov málim etti, dep habarlaidy "Ult aqparat".
Túrkistan oblysynyń Keles aýdanynyń turǵyny koronavirýs juqtyrdy Oralda koronavirýstan emdelip jatqandar dárigerlerge baǵynbai, óz betimen úige ketip qalmaq bolǵan Qazaqstanda taǵy 23 adam koronavirýs juqtyrdy
B.Qaiýpovtyń aitýynsha, olar palatalardy aralap, basqalardy tártipke moiynusynbaýǵa úndep, virýsty tarata túsýde.
Budan birneshe kún buryn da osyndai jaǵdai boldy. Osy emdelýshiler ózderin saý sanap, palatalarynan shyǵyp, úilerine ketpek boldy. Bálkim, araq ta ishken bolar. Mundai jaǵdai búgin de qaitalandy.
«Osylaisha, olar ózderine ziian jasap otyr. Munyń sebebi mynada, emdelgenine 14 kún bolyp, jazylýǵa jaqyndaǵan adamdar basqalarmen aralassa, emdeý kýrsyn qaitadan bastaýǵa týra keledi. Eger typ-tynysh emdelse, 14 kúnnen keiin jazylyp shyǵar edi. Bul kúilerińde úilerińe barsańdar, otbasyndaǵy úlken kisilerge juqtyrasyńdar ǵoi degendi de túsingisi kelmeidi. Olar ózge emdelýshiler ǵana emes, dárigerler men medbikelerge de aýrý taratýy múmkin. Osy aýrýhanadan 8 qyzmetkerdiń koronavirýs juqtyrýy oilandyrmai qoimaidy. Qazir jaǵdai tynyshtaldy. Áitse de atalǵan kisiler qaitadan búlik shyǵarsa, qylmystyq is qozǵalýy da múmkin», dedi QazAqparat tilshisine B.Qaiýpov.
Eske sala keteiik, budan buryn BQO-da koronavirýs juqtyrǵan 6 adamnyń bári de meditsina qyzmetkeri ekendigin, Oralda emdelip jatqandar dárigerlerge baǵynbai, óz betimen úige ketip qalmaq bolǵanyn jazǵan edik.
