Batys Qazaqstan oblysynda koronavirýs tirkelgennen beri barlyǵy 78 aýrý oshaǵy anyqtalyp otyr, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń brifingte málim etkenindei, aýrý oshaqtary Oral qalasymen qatar aýdandarda da bar.
Mysaly, 20 mamyr kúni Syrym aýdanynda aýdandyq aýrýhana qyzmetkerinen koronavirýs tabylǵannan keiin onymen qarym-qatynasta bolǵan taǵy eki adamnyń aýrý juqtyrǵany belgili boldy.
«Naýqaspen bailanysta bolǵan aýdandyq aýrýhanadaǵy meditsina qyzmetkerleri de oqshaýlanyp, tekserildi, olardan alynǵan test teris nátije kórsetti. Naýqas turǵan úi
karantinge jabyldy. Aýrý juqtyrǵan taǵy eki adam anyqtalǵandyqtan, qazirgi kezde epidemiologiialyq zertteý jumystary jalǵasýda, onyń qorytyndysy keiin habarlanatyn bolady», dedi N.Mustaev.
Óńirde barlyǵy 352 adam koronavirýs juqtyrsa, sonyń 261-i – BQO-nyń, 84-i – ózge óńirlerdiń turǵyndary. Jeteýi –sheteldik azamat.
Oblys boiynsha syrqattanǵandardyń 70,4 paiyzy – syrttan kelgender, sonyń ishinde 176-sy – Reseiden, 68-i – Atyraý oblysynan (67-si – Teńiz ken ornynan). Bir adam Germaniiadan kelgen.
105 adam – buryn aýyrǵandarmen qarym-qatynasta bolǵandar. Sonyń ishinde 62-si densaýlyq saqtaý nysandarynda, 40-y úi oshaǵynda tirkeldi. Úsh adam – politsiia qyzmetkeri.
Kúni búgin 163 adam oblystyq juqpaly aýrýlar aýrýhanasynda em alýdy jalǵastyrsa, 7 adam provizorlyq, 140 adam karantindik statsionarda jatyr. Úilerinde oqshaýlanǵan 1400 adam dárigerlerdiń baqylaýynda.
«20 mamyrdaǵy ósim kórsetkishi 3,8 paiyzdy qurap otyr. Eger aýrý kózderi kóbeiip ketken jaǵdaida karantindik shekteý sharalary kúsheitilýi múmkin. Sondyqtan turǵyndardan saqtyq sharalaryn umytpaýdy ótinemiz», dedi N.Mustaev.
