باتىس قازاقستان وبلىسىندا كوروناۆيرۋس تٸركەلگەننەن بەرٸ بارلىعى 78 اۋرۋ وشاعى انىقتالىپ وتىر, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ بريفينگتە مەلٸم ەتكەنٸندەي, اۋرۋ وشاقتارى ورال قالاسىمەن قاتار اۋدانداردا دا بار.
مىسالى, 20 مامىر كٷنٸ سىرىم اۋدانىندا اۋداندىق اۋرۋحانا قىزمەتكەرٸنەن كوروناۆيرۋس تابىلعاننان كەيٸن ونىمەن قارىم-قاتىناستا بولعان تاعى ەكٸ ادامنىڭ اۋرۋ جۇقتىرعانى بەلگٸلٸ بولدى.
«ناۋقاسپەن بايلانىستا بولعان اۋداندىق اۋرۋحاناداعى مەديتسينا قىزمەتكەرلەرٸ دە وقشاۋلانىپ, تەكسەرٸلدٸ, ولاردان الىنعان تەست تەرٸس نەتيجە كٶرسەتتٸ. ناۋقاس تۇرعان ٷي
كارانتينگە جابىلدى. اۋرۋ جۇقتىرعان تاعى ەكٸ ادام انىقتالعاندىقتان, قازٸرگٸ كەزدە ەپيدەميولوگييالىق زەرتتەۋ جۇمىستارى جالعاسۋدا, ونىڭ قورىتىندىسى كەيٸن حابارلاناتىن بولادى», دەدٸ ن.مۇستاەۆ.
ٶڭٸردە بارلىعى 352 ادام كوروناۆيرۋس جۇقتىرسا, سونىڭ 261-ٸ – بقو-نىڭ, 84-ٸ – ٶزگە ٶڭٸرلەردٸڭ تۇرعىندارى. جەتەۋٸ –شەتەلدٸك ازامات.
وبلىس بويىنشا سىرقاتتانعانداردىڭ 70,4 پايىزى – سىرتتان كەلگەندەر, سونىڭ ٸشٸندە 176-سى – رەسەيدەن, 68-ٸ – اتىراۋ وبلىسىنان (67-سٸ – تەڭٸز كەن ورنىنان). بٸر ادام گەرمانييادان كەلگەن.
105 ادام – بۇرىن اۋىرعاندارمەن قارىم-قاتىناستا بولعاندار. سونىڭ ٸشٸندە 62-سٸ دەنساۋلىق ساقتاۋ نىساندارىندا, 40-ى ٷي وشاعىندا تٸركەلدٸ. ٷش ادام – پوليتسييا قىزمەتكەرٸ.
كٷنٸ بٷگٸن 163 ادام وبلىستىق جۇقپالى اۋرۋلار اۋرۋحاناسىندا ەم الۋدى جالعاستىرسا, 7 ادام پروۆيزورلىق, 140 ادام كارانتيندٸك ستاتسيوناردا جاتىر. ٷيلەرٸندە وقشاۋلانعان 1400 ادام دەرٸگەرلەردٸڭ باقىلاۋىندا.
«20 مامىرداعى ٶسٸم كٶرسەتكٸشٸ 3,8 پايىزدى قۇراپ وتىر. ەگەر اۋرۋ كٶزدەرٸ كٶبەيٸپ كەتكەن جاعدايدا كارانتيندٸك شەكتەۋ شارالارى كٷشەيتٸلۋٸ مٷمكٸن. سوندىقتان تۇرعىنداردان ساقتىق شارالارىن ۇمىتپاۋدى ٶتٸنەمٸز», دەدٸ ن.مۇستاەۆ.
