18 aqpan kúni Qazaqstan densaýlyq saqtaý ministrligi koronavirýspen 930 naýqas (869 KVI+ jáne 61 KVI-), 10 ólim tirkelgenin habarlady. Nur-Sultan, Almaty qalalarynda jáne Pavlodar oblysynda tirkelgen naýqastar sany júzden asady.
Qazaqstan biligi koronavirýs naýqastaryn eki bólek sanaidy. Biri – virýs juqtyrǵany PTR testimen rastalǵan naýqastar (KVI+), biri – PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia naýqastary (KVI-). KVI+ derekteri kelesi kúni, KVI- derekteri eki kúnnen keiin jariialanyp keledi.
Iaǵni, tirkelgeni búgin jariialanǵan 930 naýqastyń 869-y keshe anyqtalǵan jáne olardyń bárinde PTR test oń nátije bergen. Al koronavirýs pnevmoniiasyna shaldyqqan 61 naýqas 16 aqpan kúni tirkelgen.
KVI+ naýqastary arasynda aimaq boiynsha jaǵdai mynadai:
Nur-Sultan qalasynda – 24088 (+105 jańa tirkelgen naýqas),
Almaty qalasynda – 23941 (+105),
Shyǵys Qazaqstan oblysynda – 21392 (+71),
Atyraý oblysynda – 16809 (+35),
Pavlodar oblysynda – 16625 (+114),
Qaraǵandy oblysynda – 14903 (+65),
Aqmola oblysynda – 12860 (+72),
Batys Qazaqstan oblysynda – 12329 (+84),
Soltústik Qazaqstan oblysynda – 11954 (+32),
Qostanai oblysynda – 11645 (+69),
Almaty oblysynda – 10277 (+61),
Shymkent qalasynda – 6030 (+8),
Jambyl oblysynda – 5793 (+11),
Túrkistan oblysynda – 4231 (+8),
Mańǵystaý oblysynda – 4174 (+4),
Aqtóbe oblysynda – 4131 (+19),
Qyzylorda oblysynda – 3742 (+6).
Qazaqstanǵa indet kelgeli barlyǵy 204 924 naýqastyń PTR testi oń shyqqan. Resmi statistika boiynsha, onyń 2674-i koronavirýstan qaitys bolǵan sanalady. Biraq budan bólek, Covid infektsiiasyn juqtyrǵany rastalǵan, biraq "ózge sebepten qaitys boldy" degen júzdegen adam bar.
Virýs juqtyrǵany rastalǵan bul naýqastardyń 188 606-sy jazylyp shyqqan. Qazir 13 644-i emdelip jatyr.
Qazaqstan úkimeti esebin 1 tamyzdan bastap júrgizip kele jatqan koronavirýs pnevmoniiasymen barlyǵy 48 827 adam tirkelgen. Onyń 29 873-i jazylǵan, 604-i qaitys bolǵan. 8350 naýqas emdelip jatyr.
Koronavirýstan emdelip jatqan 21 944 naýqastyń 4900-y statsionarlyq, 17094-i ambýlatoriialyq baqylaýda..
KVI+, KVI- shaldyqqandardyń arasynda:
255 adamnyń jaǵdaiy aýyr;
40 patsienttiń jaǵdaiy óte aýyr;
40 naýqas ÓJJ apparatynda jatyr.
