Professor Almaz Sharman koronavirýs infektsiiasynyń mýtatsiiaǵa ushyraýyna bailanysty el turǵyndaryna saqtyq sharalaryn kúsheitýge shaqyrdy, dep habarlaidy QazAqparat.
Qazaqstannyń Profilaktikalyq meditsina akademiiasynyń prezidenti Almaz Sharman epidemiologiialyq ahýal men koronavirýstyń yqtimal mýtatsiiasy jóninde aityp berdi.
«Virýstar únemi mýtatsiiaǵa ushyraýǵa beiim. Bul, aiyna keminde eki ret mýtatsiialanatyn koronavirýstarǵa da qatysty. Virýstar jaratylysynan – parazitter. Olar iesinen, iaǵni adamnan tys ómir súre almaidy. Virýs juqtyrǵan adam qaitys bolǵanda, onymen birge virýs ta joǵalady. Sondyqtan iesiniń ólimi virýs úshin tiimdi emes. Virýs tiri qalyp, adammen birge ómir súri úshin mýtatsiiaǵa ushyrap otyrady. Bul qalypty evoliýtsiialyq protsess», - dep oiymen bólisti ol.
A.Sharmannyń aitýynsha, qazir koronavirýs mýtatsiiaǵa ushyraýda jáne ol protsess únemi bolady. Sońynda COVID-19 maýsymdyq infektsiiaǵa ainalmaq. Al vaktsinatsiia bul protsesti tek jyldamdatady.
Sonymen qatar, professor profilaktikalyq sharalardy múltiksiz saqtaý qajettigin atap ótip, jalpy usynystarmen bólisti.
«Betperde taǵý – mańyzdy. Ony muryn men aýyzdy jaýyp turatyndai durys taǵý kerek. Adamdar kóp baratyn oryndardan, mereitoilar, úilený toilary, eske alý sharalarynan aýlaq júrý mańyzdy. Ásirese, jabyq jáne az jeldetiletin ǵimarattarda ótetin jiyndardan saq bolǵan jón. Qol gigienasyn saqtap, bógde adamdardan eki jáne odan da kóp metr qashyqtyqty saqtaý qajet», - dedi professor.
Eske salsaq, buǵan deiin BAQ-ta Ulybritaniiada koronavirýstyń jańa shtamynyń paida bolǵany týraly habar taraǵan bolatyn.
