پروفەسسور الماز شارمان كوروناۆيرۋس ينفەكتسيياسىنىڭ مۋتاتسيياعا ۇشىراۋىنا بايلانىستى ەل تۇرعىندارىنا ساقتىق شارالارىن كٷشەيتۋگە شاقىردى, دەپ حابارلايدى قازاقپارات.
قازاقستاننىڭ پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان ەپيدەميولوگييالىق احۋال مەن كوروناۆيرۋستىڭ ىقتيمال مۋتاتسيياسى جٶنٸندە ايتىپ بەردٸ.
«ۆيرۋستار ٷنەمٸ مۋتاتسيياعا ۇشىراۋعا بەيٸم. بۇل, ايىنا كەمٸندە ەكٸ رەت مۋتاتسييالاناتىن كوروناۆيرۋستارعا دا قاتىستى. ۆيرۋستار جاراتىلىسىنان – پارازيتتەر. ولار يەسٸنەن, ياعني ادامنان تىس ٶمٸر سٷرە المايدى. ۆيرۋس جۇقتىرعان ادام قايتىس بولعاندا, ونىمەن بٸرگە ۆيرۋس تا جوعالادى. سوندىقتان يەسٸنٸڭ ٶلٸمٸ ۆيرۋس ٷشٸن تيٸمدٸ ەمەس. ۆيرۋس تٸرٸ قالىپ, اداممەن بٸرگە ٶمٸر سٷرٸ ٷشٸن مۋتاتسيياعا ۇشىراپ وتىرادى. بۇل قالىپتى ەۆوليۋتسييالىق پروتسەسس», - دەپ ويىمەن بٶلٸستٸ ول.
ا.شارماننىڭ ايتۋىنشا, قازٸر كوروناۆيرۋس مۋتاتسيياعا ۇشىراۋدا جەنە ول پروتسەسس ٷنەمٸ بولادى. سوڭىندا COVID-19 ماۋسىمدىق ينفەكتسيياعا اينالماق. ال ۆاكتسيناتسييا بۇل پروتسەستٸ تەك جىلدامداتادى.
سونىمەن قاتار, پروفەسسور پروفيلاكتيكالىق شارالاردى مٷلتٸكسٸز ساقتاۋ قاجەتتٸگٸن اتاپ ٶتٸپ, جالپى ۇسىنىستارمەن بٶلٸستٸ.
«بەتپەردە تاعۋ – ماڭىزدى. ونى مۇرىن مەن اۋىزدى جاۋىپ تۇراتىنداي دۇرىس تاعۋ كەرەك. ادامدار كٶپ باراتىن ورىنداردان, مەرەيتويلار, ٷيلەنۋ تويلارى, ەسكە الۋ شارالارىنان اۋلاق جٷرۋ ماڭىزدى. ەسٸرەسە, جابىق جەنە از جەلدەتٸلەتٸن عيماراتتاردا ٶتەتٸن جيىنداردان ساق بولعان جٶن. قول گيگيەناسىن ساقتاپ, بٶگدە ادامداردان ەكٸ جەنە ودان دا كٶپ مەتر قاشىقتىقتى ساقتاۋ قاجەت», - دەدٸ پروفەسسور.
ەسكە سالساق, بۇعان دەيٸن باق-تا ۇلىبريتانييادا كوروناۆيرۋستىڭ جاڭا شتامىنىڭ پايدا بولعانى تۋرالى حابار تاراعان بولاتىن.
