Belgiiada COVID-19 koronavirýs pandemiiasyna bailanysty engizilgen sharalar qylmystyń edáýir tómendeýine yqpal etti, dep habarlaidy De Tijd gazeti.
«Qylmys aitarlyqtai az jasalynyp jatyr. Bizde ázirge naqty sandar joq, biraq 30 paiyzǵa qysqardy. Qylmystyń azaiyp jatqanyn kórip otyrmyz», - dep jazdy basylym politsiiaǵa silteme jasap.
Sondai-aq, urlyq jasaý, bos turǵan keńselerdi, jabyq dúkender men qurylys alańdaryn tonaý isi baiqalmady. Sýdialar esirtki men kóshedegi buzaqylyqqa bailanysty qylmyskerlerdiń az ustalyp jatqanyn atap ótti.
Politsiia qylmys deńgeiiniń tómendeýine bailanysty qyzmetkerlerdi koronavirýsqa qarsy qabyldanǵan qatań sharalar aiasynda profilaktikalyq is-áreketterdi júrgizýge baǵyttap jatyr.
Turǵyndar arasynda úkimettiń nusqaýlyǵyna moiynsunǵysy kelmeitin adamdar áli de barshylyq.
