Elordalyq qoǵamdyq densaýlyq saqtaý basqarmasynyń shtattan tys bas infektsionisi Sáýle Atyǵaeva KVI-den qansha bala emdelip jatqanyn aitty, dep habarlady, dep habarlaidy QazAqparat.
«Nur-Sultan qalasy boiynsha qazir úshinshi aýrýhanada 52 bala jáne modýldik ortalyqta 14 bala statsionarlyq em alyp jatyr. Bul - negizinen bes jasqa deiingi balalar, odan bólek, 12-16 jastaǵylar da bar. Iaǵni, bul vaktsinalaýǵa jatpaityn sanattaǵy balalar», - dedi Sáýle Atyǵaeva ortalyq kommýnikatsiialar qyzmetindegi baspasóz máslihatynda.
Sonymen birge, spiker koronavirýstyń balalarda qalai ótetinin sipattap berdi.
«Balalarda ish ótý, qusý, júike júiesiniń zaqymdanýy siiaqty belgiler bolýy múmkin. Árine, júike júiesine zaqym kelse aýrý qiyn ótedi. Búginde Nur-Sultan qalasy boiynsha 68 bala KVI-men aýyryp jatyr», - dep atap ótti Sáýle Atyǵaeva.
Buǵan deiin Qazaqstanda koronavirýs aýrýy 3,2 ese óskeni habarlanǵan bolatyn. Sońǵy aptada, aldyńǵy aptamen salystyrǵanda, aýrý 2558-den 8156 jaǵdaiǵa deiin ósken.
Nur-Sultan qalasy 21 shildeden bastap «sary» aimaqta, qalǵan óńirler «jasyl» aimaqta.
