Jurtshylyq arasynda jappai bolmasa da «qazir koronavirýspen aýyryp alsaq, jańa tolqyny kezinde virýs jupaidy» degen qasań túsiniktiń bary jasyryn emes.
Shyn máninde bir aýyrǵannan keiin virýstyń qaita juqpaityndyǵy ǵylymi turǵyda dáleldenbegen. Sondyqtan koronavirýs infektsiiasynan barynsha saq bolyp, meditsina mamandary aitqan talaptardy tolyq oryndaǵanymyz abzal. Bul oraida, ásirese, balalardy bul indetten qorǵaý óte mańyzdy. Óitkeni, sońǵy ýaqytta elimizdiń barlyq óńirinde koronavirýs juqtyrǵan balalarǵa qatysty derekter shyǵyp jatyr. Iá, balalar bul aýrýdy jeńil ótkizedi. Biraq, onyń saldary aýyr bolyp, arty COVID-19 uqsaityn aýrý - kópjúieli qabyný sindromyna, Kavasaki sindromyna ulasyp ketý qaýpi joǵary.
Jalpy, Kavasakimen kóbine kishkentai balalar aýyrsa, kópjúieli qabyný sindromy jasóspirimder men 21 jasqa deiingi jastar arasynda kezdesedi. Bul sindromdar kezinde 24 saǵat ishinde dene qyzýy 38,5-ten joǵary bolyp, tynys alý organdary zaqymdanýy múmkin. Jótelip, denege bóritpe shyǵady. Koniýktivit bolýy yqtimal, limfa túiinderiniń ósýi, alaqannyń isýi baiqalady. Sonymen qatar qusý, júrek ainýy, diareia, jutynǵanda aýyrsyný syndy belgileri de bar.
«Astana meditsina ýniversiteti» kommertsiialyq emes aktsionerlik qoǵamy balalar infektsiialyq aýrýlary kafedrasynyń meńgerýshisi, meditsina ǵylymdarynyń doktory Dinagúl Baesheva da balalardyń koronavirýspen aýrýy qaýipti ekendigin aitady.
«Koronavirýs infektsiiasy kez kelgen jasqa, balalarǵa da, eresekterge de juǵatyndyǵyn atap ótken jón. Balalar da koronavirýs infektsiiasymen aýyrady. Degenmen, olarda eresekterge qaraǵanda aýrý birshama jeńil ótedi. Balalar kóbine simptomsyz túrin tasymaldaýshy bolady. Iaǵni, olarda aýrýdyń eshqandai belgisi baiqalmaidy. Alaida, koronavirýs infektsiiasyn juqtyrǵan balalalarda 2-4 apta ótkennen keiin mýltijúieli qabyný simptomy paida bolýy múmkin ekendigin esten shyǵarmaý qajet. Mundai kezde birqatar aǵza men júie zaqymdanyp, balanyń jaǵdaiy aýyrlaidy. Dene qyzýy únemi joǵary bolyp, dárige de túspeidi. Teride bórtpe paida bolyp, ókpe, bas miy, býyndar qabynady. Sondyqtan da balalardy koronavirýs infektsiiasyn juqtyryp almaýy úshin barynsha qorǵaǵan durys bolady», - dedi Dinagúl Baesheva.
Qazirgi ýaqytta elimizde balalar arasynda mundai sindromnyń ósimi baiqalyp otyrǵan joq. Biraq, aýrýdyń sál keiinirek, iaǵni belgili bir ýaqyttan soń paida bolýy múmkin ekendigin esten shyǵarmaýǵa tiispiz. Sondyqtan salǵyrttyqqa jol berýge bolmaidy. Barlyq ýaqytta saqtyq sharalaryn qaperden shyǵarmai, infektsionist dárigerdiń usynystaryn ustaný qajet.
Al Almaty qalalyq balalar klinikalyq aýrýhanasynyń gematologiia bóliminiń meńgerýshisi Uljalǵas Óskenbaeva mundai túrli infektsiiadan balalardy qorǵaý úshin ata-analar josparly ekpelerden bas tartpaý kerektigin eskertedi.
«Balalardy túrli virýstyq infektsiiadan qorǵaýdyń senimdi joly– vaktsina. Kóptegen profilaktikalyq egýler virýstyq infektsiialardyń aldyn alýǵa baǵyttalǵan. Sondyqtan ata-analar balalaryn kúntizbege sáikes ekpe saldyrýy kerek»,– deidi dáriger.
Pediatriia jáne balalar hirýrgiiasy ǵylymi ortalyǵynyń basqarma tóraǵasy, QR Densaýlyq saqtaý ministrliginiń shtattan tys pediatry Riza Boranbaeva balalardaǵy koronavirýs infektsiiasyn, Kavasaki sindromyn diagnostikalaý men emdeýdiń klinikalyq hattamasy bar ekendigin atap ótedi.
«Búgingi kúni respýblikada balalardaǵy koronavirýs infektsiiasyn diagnostikalaý men emdeýge arnalǵan jeke klinikalyq hattama jasaldy. Onda balalar men jasóspirimderdegi COVID-19 jáne mýltijúieli qabyný sindromynyń erekshelikteri kórsetilgen. Klinikalyq hattamany DDU men IýNISEF álemdegi sońǵy málimetterge júgine otyryp ázirledi. Balalarda koronavirýs infektsiiasy kóbine simptomsyz jáne jeńil túrde ótetin bolǵandyqtan olarǵa ambýlatoriialyq em usynylady. Sondyqtan mundai naýqastarǵa arnalǵan hattamada simptomatikalyq emdeý ǵana bar. Virýsqa qarsy preparattar qoldanylmaidy, óitkeni virýsqa qarsy preparattarda balaǵa qarsy kórsetilimder bar», - dedi Riza Boranbaeva.
