جۇرتشىلىق اراسىندا جاپپاي بولماسا دا «قازٸر كوروناۆيرۋسپەن اۋىرىپ الساق, جاڭا تولقىنى كەزٸندە ۆيرۋس جۇپايدى» دەگەن قاساڭ تٷسٸنٸكتٸڭ بارى جاسىرىن ەمەس.
شىن مەنٸندە بٸر اۋىرعاننان كەيٸن ۆيرۋستىڭ قايتا جۇقپايتىندىعى عىلىمي تۇرعىدا دەلەلدەنبەگەن. سوندىقتان كوروناۆيرۋس ينفەكتسيياسىنان بارىنشا ساق بولىپ, مەديتسينا ماماندارى ايتقان تالاپتاردى تولىق ورىنداعانىمىز ابزال. بۇل ورايدا, ەسٸرەسە, بالالاردى بۇل ٸندەتتەن قورعاۋ ٶتە ماڭىزدى. ٶيتكەنٸ, سوڭعى ۋاقىتتا ەلٸمٸزدٸڭ بارلىق ٶڭٸرٸندە كوروناۆيرۋس جۇقتىرعان بالالارعا قاتىستى دەرەكتەر شىعىپ جاتىر. يە, بالالار بۇل اۋرۋدى جەڭٸل ٶتكٸزەدٸ. بٸراق, ونىڭ سالدارى اۋىر بولىپ, ارتى COVID-19 ۇقسايتىن اۋرۋ - كٶپجٷيەلٸ قابىنۋ سيندرومىنا, كاۆاساكي سيندرومىنا ۇلاسىپ كەتۋ قاۋپٸ جوعارى.
جالپى, كاۆاساكيمەن كٶبٸنە كٸشكەنتاي بالالار اۋىرسا, كٶپجٷيەلٸ قابىنۋ سيندرومى جاسٶسپٸرٸمدەر مەن 21 جاسقا دەيٸنگٸ جاستار اراسىندا كەزدەسەدٸ. بۇل سيندرومدار كەزٸندە 24 ساعات ٸشٸندە دەنە قىزۋى 38,5-تەن جوعارى بولىپ, تىنىس الۋ ورگاندارى زاقىمدانۋى مٷمكٸن. جٶتەلٸپ, دەنەگە بٶرٸتپە شىعادى. كونيۋكتيۆيت بولۋى ىقتيمال, ليمفا تٷيٸندەرٸنٸڭ ٶسۋٸ, الاقاننىڭ ٸسۋٸ بايقالادى. سونىمەن قاتار قۇسۋ, جٷرەك اينۋى, ديارەيا, جۇتىنعاندا اۋىرسىنۋ سىندى بەلگٸلەرٸ دە بار.
«استانا مەديتسينا ۋنيۆەرسيتەتٸ» كوممەرتسييالىق ەمەس اكتسيونەرلٸك قوعامى بالالار ينفەكتسييالىق اۋرۋلارى كافەدراسىنىڭ مەڭگەرۋشٸسٸ, مەديتسينا عىلىمدارىنىڭ دوكتورى ديناگٷل باەشەۆا دا بالالاردىڭ كوروناۆيرۋسپەن اۋرۋى قاۋٸپتٸ ەكەندٸگٸن ايتادى.
«كوروناۆيرۋس ينفەكتسيياسى كەز كەلگەن جاسقا, بالالارعا دا, ەرەسەكتەرگە دە جۇعاتىندىعىن اتاپ ٶتكەن جٶن. بالالار دا كوروناۆيرۋس ينفەكتسيياسىمەن اۋىرادى. دەگەنمەن, ولاردا ەرەسەكتەرگە قاراعاندا اۋرۋ بٸرشاما جەڭٸل ٶتەدٸ. بالالار كٶبٸنە سيمپتومسىز تٷرٸن تاسىمالداۋشى بولادى. ياعني, ولاردا اۋرۋدىڭ ەشقانداي بەلگٸسٸ بايقالمايدى. الايدا, كوروناۆيرۋس ينفەكتسيياسىن جۇقتىرعان بالالالاردا 2-4 اپتا ٶتكەننەن كەيٸن مۋلتيجٷيەلٸ قابىنۋ سيمپتومى پايدا بولۋى مٷمكٸن ەكەندٸگٸن ەستەن شىعارماۋ قاجەت. مۇنداي كەزدە بٸرقاتار اعزا مەن جٷيە زاقىمدانىپ, بالانىڭ جاعدايى اۋىرلايدى. دەنە قىزۋى ٷنەمٸ جوعارى بولىپ, دەرٸگە دە تٷسپەيدٸ. تەرٸدە بٶرتپە پايدا بولىپ, ٶكپە, باس ميى, بۋىندار قابىنادى. سوندىقتان دا بالالاردى كوروناۆيرۋس ينفەكتسيياسىن جۇقتىرىپ الماۋى ٷشٸن بارىنشا قورعاعان دۇرىس بولادى», - دەدٸ ديناگٷل باەشەۆا.
قازٸرگٸ ۋاقىتتا ەلٸمٸزدە بالالار اراسىندا مۇنداي سيندرومنىڭ ٶسٸمٸ بايقالىپ وتىرعان جوق. بٸراق, اۋرۋدىڭ سەل كەيٸنٸرەك, ياعني بەلگٸلٸ بٸر ۋاقىتتان سوڭ پايدا بولۋى مٷمكٸن ەكەندٸگٸن ەستەن شىعارماۋعا تيٸسپٸز. سوندىقتان سالعىرتتىققا جول بەرۋگە بولمايدى. بارلىق ۋاقىتتا ساقتىق شارالارىن قاپەردەن شىعارماي, ينفەكتسيونيست دەرٸگەردٸڭ ۇسىنىستارىن ۇستانۋ قاجەت.
ال الماتى قالالىق بالالار كلينيكالىق اۋرۋحاناسىنىڭ گەماتولوگييا بٶلٸمٸنٸڭ مەڭگەرۋشٸسٸ ۇلجالعاس ٶسكەنباەۆا مۇنداي تٷرلٸ ينفەكتسييادان بالالاردى قورعاۋ ٷشٸن اتا-انالار جوسپارلى ەكپەلەردەن باس تارتپاۋ كەرەكتٸگٸن ەسكەرتەدٸ.
«بالالاردى تٷرلٸ ۆيرۋستىق ينفەكتسييادان قورعاۋدىڭ سەنٸمدٸ جولى– ۆاكتسينا. كٶپتەگەن پروفيلاكتيكالىق ەگۋلەر ۆيرۋستىق ينفەكتسييالاردىڭ الدىن الۋعا باعىتتالعان. سوندىقتان اتا-انالار بالالارىن كٷنتٸزبەگە سەيكەس ەكپە سالدىرۋى كەرەك»,– دەيدٸ دەرٸگەر.
پەدياترييا جەنە بالالار حيرۋرگيياسى عىلىمي ورتالىعىنىڭ باسقارما تٶراعاسى, قر دەنساۋلىق ساقتاۋ مينيسترلٸگٸنٸڭ شتاتتان تىس پەدياترى ريزا بورانباەۆا بالالارداعى كوروناۆيرۋس ينفەكتسيياسىن, كاۆاساكي سيندرومىن دياگنوستيكالاۋ مەن ەمدەۋدٸڭ كلينيكالىق حاتتاماسى بار ەكەندٸگٸن اتاپ ٶتەدٸ.
«بٷگٸنگٸ كٷنٸ رەسپۋبليكادا بالالارداعى كوروناۆيرۋس ينفەكتسيياسىن دياگنوستيكالاۋ مەن ەمدەۋگە ارنالعان جەكە كلينيكالىق حاتتاما جاسالدى. وندا بالالار مەن جاسٶسپٸرٸمدەردەگٸ COVID-19 جەنە مۋلتيجٷيەلٸ قابىنۋ سيندرومىنىڭ ەرەكشەلٸكتەرٸ كٶرسەتٸلگەن. كلينيكالىق حاتتامانى ددۇ مەن يۋنيسەف ەلەمدەگٸ سوڭعى مەلٸمەتتەرگە جٷگٸنە وتىرىپ ەزٸرلەدٸ. بالالاردا كوروناۆيرۋس ينفەكتسيياسى كٶبٸنە سيمپتومسىز جەنە جەڭٸل تٷردە ٶتەتٸن بولعاندىقتان ولارعا امبۋلاتورييالىق ەم ۇسىنىلادى. سوندىقتان مۇنداي ناۋقاستارعا ارنالعان حاتتامادا سيمپتوماتيكالىق ەمدەۋ عانا بار. ۆيرۋسقا قارسى پرەپاراتتار قولدانىلمايدى, ٶيتكەنٸ ۆيرۋسقا قارسى پرەپاراتتاردا بالاعا قارسى كٶرسەتٸلٸمدەر بار», - دەدٸ ريزا بورانباەۆا.
