Ázerbaijan Respýblikasynyń Densaýlyq saqtaý ministrligi el aýmaǵynda «Spýtnik V» jáne AstraZeneca vaktsinalaryn aralas qoldaný boiynsha klinikalyq synaq ótkizýge ruqsat berdi. Klinikalyq synaqtar aqpan aiynyń sońyna deiin bastalady. Bul týraly AZERTAG ministrliktiń baspasóz qyzmetine silteme jasap málim etti, dep habarlaidy "Ult aqparat"
Aita ketsek, «Spýtnik V» reseilik vaktsina bolsa, AstraZeneca – AstraZeneca kompaniiasy men Oksford ýniversiteti birlesip ázirlegen preparat.
Buǵan deiin N.F.Gamaleia atyndaǵy Epidemiologiia jáne mikrobiologiia ǵylymi-zertteý ortalyǵy, Resei tikelei investitsiialar qory, AstraZeneca jáne «R-Farm» jańa koronavirýs infektsiiasynyń (COVID-19) aldyn alý salasynda memorandýmǵa qol qoiǵan bolatyn jáne bul týraly ótken jyldyń jeltoqsan aiynda RF prezidenti Vladimir Pýtinniń qatysýymen ótken keńeste jariialanǵan edi.
Vaktsinalardy birge qoldanýǵa qatysty álemdegi alǵashqy tájiribe 2020 jyldyń 24 jeltoqsanynda tirkelgen klinikalyq synaq hattamasy aiasynda ótkizilgeli otyr.
Zertteý barysynda «Spýtnik V» jáne AstraZeneca vaktsinalaryn aralas paidalanýdyń qaýipsizdigi men immýnogendikti baǵalaý kózdelgen. Zertteý baǵdarlamasy birneshe el aýmaǵynda 6 aiǵa sozylady. Zertteýdiń árbir baǵdarlamasyna 100 eriktiden jumyldyrý josparlanǵan.
