Atyraý oblysyna Mysyrdan PTR-anyqtamasyz ushyp kelgen 34 jolaýshydan koronavirýs tabylmady, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 21 jeltoqsanda Atyraýǵa Mysyrdyń Sharm-el-sheih qalasynan 150 jolaýshy ushyp kelgen. Onyń ishinde 34 jolaýshyda PTR-test nátijesi bar anyqtama bolmaǵan.
«Mysyrdan ushyp kelgen barlyq jolaýshydan koronavirýsqa qarsy synama alyndy. Zertteý qorytyndysy teris nátije kórsetip, jolaýshylardan qaýipti infektsiia anyqtalmady. Qazir olar úiine jiberildi», - dep habarlady basqarmanyń basqpasóz qyzmetinen.
Buǵan deiin Atyraýǵa 14-21 jeltoqsan aralyǵynda «Amsterdam-Atyraý» baǵytymen barlyǵy 143 jolaýshy ushyp kelgen. Onyń ishinde 2 jolaýshyda COVID-19-ǵa PTR-test qorytyndysy bolmai shyqqan. Sol sebepten, karantindik statsionarǵa jatqyzyldy. Olardan da COVID-19 infektsiiasy anyqtalǵan joq.
