اتىراۋ وبلىسىنا مىسىردان پتر-انىقتاماسىز ۇشىپ كەلگەن 34 جولاۋشىدان كوروناۆيرۋس تابىلمادى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ اقپاراتىنا قاراعاندا, 21 جەلتوقساندا اتىراۋعا مىسىردىڭ شارم-ەل-شەيح قالاسىنان 150 جولاۋشى ۇشىپ كەلگەن. ونىڭ ٸشٸندە 34 جولاۋشىدا پتر-تەست نەتيجەسٸ بار انىقتاما بولماعان.
«مىسىردان ۇشىپ كەلگەن بارلىق جولاۋشىدان كوروناۆيرۋسقا قارسى سىناما الىندى. زەرتتەۋ قورىتىندىسى تەرٸس نەتيجە كٶرسەتٸپ, جولاۋشىلاردان قاۋٸپتٸ ينفەكتسييا انىقتالمادى. قازٸر ولار ٷيٸنە جٸبەرٸلدٸ», - دەپ حابارلادى باسقارمانىڭ باسقپاسٶز قىزمەتٸنەن.
بۇعان دەيٸن اتىراۋعا 14-21 جەلتوقسان ارالىعىندا «امستەردام-اتىراۋ» باعىتىمەن بارلىعى 143 جولاۋشى ۇشىپ كەلگەن. ونىڭ ٸشٸندە 2 جولاۋشىدا COVID-19-عا پتر-تەست قورىتىندىسى بولماي شىققان. سول سەبەپتەن, كارانتيندٸك ستاتسيونارعا جاتقىزىلدى. ولاردان دا COVID-19 ينفەكتسيياسى انىقتالعان جوق.
