Atyraý oblysynda koronavirýs indetine shaldyqqan naýqastardyń kóbeiýine bailanysty rezervtik statsionarlar ashyldy, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetinshe, rezervtik statsionardyń biri ftiziopýlmanologiialyq ortalyqta ashylyp otyr. Munda koronavirýs infektsiiasyna shaldyqqan naýqastardy emdeý úshin 75 tósek-oryn daiyndalǵan.
«Óńirdegi infektsiialyq statsionarlarda 2 068 tósek-oryn bar. Qazir statsionarlardaǵy júkteme 28,2% quraidy. Infektsiialyq statsionarlarda 18 sáýirdegi málimetke sáikes, koronavirýs juqtyrǵan 584 naýqas emdelip jatyr. Onyń ishinde modýldik aýrýhanada –181, oblystyq aýrýhananyń infektsiialyq statsionarynda – 101, aýdandyq infektsiialyq statsionarlarda – 130, Teńiz ken ornyndaǵy infektsiialyq statsionarda – 147, ftiziopýlmalogiialyq ortalyqta 25 naýqas em alý úshin oqshaýlandy. Al, úi jaǵdaiynda 1 068 adam em alýda» -dep habarlady basqarmanyń baspasóz qyzmetinen.
Belgili bolǵandai, jansaqtaý bóliminde 27 naýqas jatyr. Olardyń 5-eýi ókpeni jasandy jeldetý apparatyna qosylǵan.
