Atyraý oblysynda koronavirýs juqtyrǵandardyń basym bóligin Teńiz kenishiniń jumysshylary quraidy, dep habarlaidy "Ult aqparat".
Atyraý qalalyq Canitariialyq-epidemiologiialyq baqylaý basqarmasy epidemiologiia bóliminiń basshysy Ásel Muqaevanyń aitýynsha, sońǵy táýlikterde qaýipti indetke shaldyqqandardyń deni Teńiz keni jumysshylarynyń arasynan anyqtalǵan.
«Olar koronavirýs juqtyrǵandardyń 70 paiyzyn quraidy. Jumysshylardyń basym bóliginde qaýipti indet aldyn ala tapsyrylatyn mindetti skriningilik tekseris kezinde belgili bolǵan. QR Bas memlekettik sanitariialyq dárigeriniń №57 qaýlysyna sáikes, koronavirýs anyqtalǵan naýqaspen 3 jáne 12 táýlikte jaqyn qarym-qatynasta bolǵan adamdardan PTR-synama alynady. Keiin olar 14 kúnge úi karantinine oqshaýlandyrylady», - dedi Ásel Muqaeva.
Basqarma ókili karantinge oqshaýlanǵan adamda aýrý simptomy baiqalsa, dereý dárigerge júginýge keńes beredi. Naýqastyń jaǵdaiy aýyr bolsa infektsiialyq statsionarǵa jatqyzylady.
Eske sala ketelik, budan buryn Teńiz kenishinde statsionardaǵy naýqastar sany 400-ge jetkenin jazǵan edik.
