QR Densaýlyq saqtaý ministrligi 11 qańtardaǵy el óńirlerindegi epidemiologiialyq ahýaldy baǵalaý matritsasyn jariialady, dep habarlaidy "Ult aqparat".
Keshe, iaǵni 10 qańtarda «qyzyl» aimaqta Aqmola men Pavlodar oblystary bolǵan edi. Búgingi baǵalaý matritsasyna sáikes, «qyzyl» aimaqta Aqmola, Atyraý oblystary ornalasqan. Pavlodar oblysy «sary» aimaqqa aýysty.
«Sary» aimaqta sondai-aq, Soltústik Qazaqstan, Qostanai, Batys Qazaqstan oblystary, Nur-Sultan men Almaty qalalary bar. Qalǵan óńirlerdiń barlyǵy - «jasyl» aimaqta. Jalpy Qazaqstan aýmaǵy koronavirýs boiynsha «sary» aimaqqa engizilgen.
Buǵan deiin habarlaǵanymyzdai, ótken bir táýlikte el óńirlerinde koronavirýstyń jańadan 746 jaǵdaiy tirkeldi. Sondai-aq 411 adam indetten saýyqty. Koronavirýstyq pnevmoniia 27 adamnan anyqtaldy. Pandemiia bastalǵaly Qazaqstanda koronavirýsty barlyǵy 163 019 adam juqtyrdy, 149 082 naýqas jazylyp, 2 319 adam qaitys boldy.
