Almatyda 15 myńnan astam adam koronavirýsqa test tapsyrdy. Bul týraly Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova onlain-brifing barysynda málim etti, dep habarlaidy QazAqparat.
Onyń aitýynsha, elimizde sáýir aiynyń basynan COVID-19 indetin anyqtaý boiynsha tegin ekspress-testiler ótkizile bastady. Eger testileý oń nátije kórsetse, PTR-test (Polimerazdy tizbekti reaktsiia) jasalady.
«Jedel testileýden ótkisi kelgen adamdar arnaiy saitta anketa toltyryp, ótinim beredi. Sodan keiin olar irikteledi. Bul test adamnyń aýyrǵan ne aýyrmaǵanyn anyqtap beredi. Eger ol oń nátije kórsetse, biz PTR diagnostikaǵa jiberemiz», – deidi departament basshysy.
Sondai-aq, ol búginde test tapsyrý jalǵasyp jatqanyn atap ótti.
«Búgingi kúnge 15 myńnan astam test jasaldy. Onyń aldynda aitqanymyzdai, 122 adamnan KVI anyqtaldy. Búginde buiryqqa sáikes qarastyrylǵan PTR-testileýdi qajet etetin kontingentter bar. Onyń ishinde aýyrǵan adamdar, naýqastarmen bailanys jasaǵan adamdar, shetelden kelgen azamattar bar. Biz meditsinalyq qyzmetkerlerdi de tekserip shyqtyq»,– dedi Aizat Modaqasymova.
Buǵan deiin, QR Densaýlyq saqtaý ministrligi Almatyǵa 55 myńnan astam ekspress-test jetkizgeni týraly jazǵan bolatynbyz.
