الماتىدا 15 مىڭنان استام ادام كوروناۆيرۋسقا تەست تاپسىردى. بۇل تۋرالى الماتى قالاسى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداقاسىموۆا ونلاين-بريفينگ بارىسىندا مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, ەلٸمٸزدە سەۋٸر ايىنىڭ باسىنان COVID-19 ٸندەتٸن انىقتاۋ بويىنشا تەگٸن ەكسپرەسس-تەستٸلەر ٶتكٸزٸلە باستادى. ەگەر تەستٸلەۋ وڭ نەتيجە كٶرسەتسە, پتر-تەست (پوليمەرازدى تٸزبەكتٸ رەاكتسييا) جاسالادى.
«جەدەل تەستٸلەۋدەن ٶتكٸسٸ كەلگەن ادامدار ارنايى سايتتا انكەتا تولتىرىپ, ٶتٸنٸم بەرەدٸ. سودان كەيٸن ولار ٸرٸكتەلەدٸ. بۇل تەست ادامنىڭ اۋىرعان نە اۋىرماعانىن انىقتاپ بەرەدٸ. ەگەر ول وڭ نەتيجە كٶرسەتسە, بٸز پتر دياگنوستيكاعا جٸبەرەمٸز», – دەيدٸ دەپارتامەنت باسشىسى.
سونداي-اق, ول بٷگٸندە تەست تاپسىرۋ جالعاسىپ جاتقانىن اتاپ ٶتتٸ.
«بٷگٸنگٸ كٷنگە 15 مىڭنان استام تەست جاسالدى. ونىڭ الدىندا ايتقانىمىزداي, 122 ادامنان كۆي انىقتالدى. بٷگٸندە بۇيرىققا سەيكەس قاراستىرىلعان پتر-تەستٸلەۋدٸ قاجەت ەتەتٸن كونتينگەنتتەر بار. ونىڭ ٸشٸندە اۋىرعان ادامدار, ناۋقاستارمەن بايلانىس جاساعان ادامدار, شەتەلدەن كەلگەن ازاماتتار بار. بٸز مەديتسينالىق قىزمەتكەرلەردٸ دە تەكسەرٸپ شىقتىق»,– دەدٸ ايزات موداقاسىموۆا.
بۇعان دەيٸن, قر دەنساۋلىق ساقتاۋ مينيسترلٸگٸ الماتىعا 55 مىڭنان استام ەكسپرەسس-تەست جەتكٸزگەنٸ تۋرالى جازعان بولاتىنبىز.
