Almatyda «omikron» shtamy anyqtalǵan joq. Bul týraly brifing barysynda Almaty qalasy qoǵamdyq densaýlyq saqtaý basqarmasy basshysynyń orynbasary Laýra Myrzaǵali málim etti, dep habarlaidy QazAqparat.
Óńirlik kommýnikatsiialar qyzmetiniń brifinginde Densaýlyq saqtaý basqarmasynyń ókili Laýra Myrzaǵaliǵa «Almatyda «omikron» shtamyn juqtyrý jaǵdailary bar ma jáne dárigerler koronavirýstyń jańa túrimen aýyratyn naýqastardy qabyldaýǵa daiyn ba?» degen suraq qoiyldy.
«Búginge deiin qalada mýtatsiiaǵa ushyraǵan «omikron» shtamynan týyndaǵan koronavirýs aýrýy tirkelgen joq. Biraq 5 zerthanadan naýqastardyń materialdaryn, iaǵni oń nátije bergen PTR zertteýlerin Almaty qalasyndaǵy Ulttyq saraptama ortalyǵynyń filialyna jetkizý uiymdastyrylyp, júrgizilip jatyr», - dedi spiker.
