Almatyda koronavirýs infektsiiasynan qaitys bolǵan eki adamnyń da hali aýyr bolǵan. Bul týraly Almaty qalalyq Qoǵamdyq densaýlyq saqtaý basqarmasy málim etti, - dep habarlaidy "Ult aqparat".
Qazirgi ýaqytta Almatyda koronavirýs infektsiiasyn juqtyrýdyń rastalǵan 525 jaǵdaiy tirkelgen.
«Sońǵy táýlikte taǵy 12 jaǵdai tirkeldi. Olardyń barlyǵy provizorlyq gospitaldarda karantindegi naýqastarmen bailanysta bolǵandar. Keshe Sovid-19 diagnozymen eki adam qaitys boldy. Dúnieden ótken bul eki adam da densaýlyqtary asa aýyr halde bolǵan edi»,– dep habarlady basqarmadan.
Onyń bireýi 1958 jyly týǵan er adam. Patsienttiń bul infektsiiadan basqa jiti búlingen pankreatiti, aýyr dárejeli qan azdyq, arterialdyq gipertoniia degen siiaqty qosymsha aýrýlary bolǵan. Júrek qyzmeti toqtaý sebebinen kóz jumdy.
Ekinshisi 1931 jyly týǵan áiel, ol sondai-aq júrektiń ishemiialyq aýrýy, arteriialyq gipertenziia, distsirkýliatorlyq entsefalopatiia siiaqty qosymsha diagnozdarmen aýyr kúide bolǵan.
Jalpy, juqpaly aýrýlar statsionarlarynda Almaty oblysynan naýqas áieldi esepke ala otyryp, 436 adam koronavirýstyq infektsiiadan emdelýde.
Eki patsienttiń jai-kúii – óte aýyr, 6-ýynda – aýyr, 138 adamda – aýyrlyqtyń ortasha dárejesinde jáne qalǵan adamdardyń jai-kúii – qanaǵattanarlyq.
84 patsient koronavirýstyq infektsiiadan saýyǵyp, emdeýden shyǵaryldy.
Provizorlyq gospitaldarda 294 adam, karantindik oqshaýlaýda 520 adam, úi karantininde 9764 adam bar.
