Álemdegi epidemiialyq jaǵdaidyń nasharlaýyna bailanysty Almaty ákimi Baqytjan Saǵyntaevtyń tapsyrmasy boiynsha halyqty koronavirýstan qorǵaý jónindegi sharalar, onyń ishinde maskalyq rejim men ózin-ózi oqshaýlaýdyń saqtalýyn baqylaý kúsheitildi, dep habarlaidy "Ult aqparat".
Aita ketý kerek, álemniń birqatar elderinde infektsiiany boldyrmaý úshin jańa sharalar qabyldanýda. Mysaly, 30 qazanǵa qaraǵan túni Frantsiia COVID-19 juqtyrǵandar sanynyń ósýi aiasynda ózin-ózi oqshaýlaý rejimin qaita engizdi. AQSh-tyń Niý-Iork shtatyna basqa shtattardan kelgenderdiń barlyǵyna úsh kúndik karantindi gýbernator Endriý Kýomo engizdi. Maska kiiý túrindegi qosymsha virýsqa qarsy sharalardy Ońtústik Koreia biligi elde koronavirýs infektsiiasyn juqtyrý oqiǵalarynyń kóbeiýi aiasynda engizýde. Shveitsariianyń astanasy Jenevada koronavirýs infektsiiasyn jańadan juqtyrýdyń ósýin báseńdetýge úmittenip, bir aiǵa kúsheitilgen karantin engizýde. Baltyq jaǵalaýy elderi, Finliandiia jáne Shvetsiia elderiniń biligi halyqty koronavirýstan qorǵaý sharalaryn kúsheitti: 1 qarashadan bastap Stokgolmda barlyq mýnitsipaldy murajailar jabyldy, sport zaldary men basseinderge barýǵa qosymsha shekteýler engizildi; Estoniia elge kirýshiler úshin eki aptalyq karantin engizdi.
Osyǵan bailanysty №8 qalalyq emhananyń bas dárigeri Farida Aǵybaeva Almaty turǵyndarymen koronavirýstyń aldyn alý boiynsha usynystarmen bólisti.
«Qazir biz COVID-19 jaǵdailarynyń ósýin baiqaimyz. Bizdiń emhanada ótken ailarmen salystyrǵanda, qazan aiynyń basynan bastap 1,5% - ǵa ósý baiqalady. Osyǵan bailanysty, qala turǵyndaryna úide bolýǵa, temperatýra paida bolǵan kezde ýchaskelik dárigerdi, jedel meditsinalyq kómekti shaqyrýǵa keńes beremiz», – dedi bas dáriger.
Almaty ákimdigi qala turǵyndary men qonaqtaryn óz densaýlyǵyn qorǵaý jáne ainalasyndaǵylardyń saýlyǵy úshin sanitarlyq-epidemiialyq talaptardy qatań saqtaýdy jalǵastyrýdy suraidy. Koronavirýs infektsiiasy qart adamdar úshin qaýipti, olarǵa múmkindiginshe úide bolýǵa keńes beriledi. Barlyq qala turǵyndaryna adamdar kóp jinalatyn oryndarǵa barýdan bas tartý, áleýmettik qashyqtyq pen maska rejimin saqtaý boiynsha usynystar berildi.
Óz kezeginde,Farida Aǵybaeva almatylyqtarǵa negizgi usynystar týraly eske saldy:
- jeke bailanystardan aýlaq bolyńyz, onyń ishinde qushaqtaý, qol alysý;
- qoldy jii jýý, úiden tys jerde bir rettik mailyqty qoldaný;
- bólmelerdi jeldetý;
- jótelgende, túshkirgende qol oramaldy qoldaný nemese shyntaq býynyna túshkirý kerek;
- úiden shyqpas buryn meditsinalyq maska, sondai-aq uzyn jeńdi syrtqy kiim kiiý. Úige qaitqanda maska men qolǵapty baiqap sheshý qajet, aýa kirmeitindei etip paketke salyp, qoqys salatyn jáshikke tastaý kerek. Sodan keiin qoldy jýý nemese zararsyzdandyrý.
– kem degende 1,5 metr áleýmettik qashyqtyqty saqtańyz.
«Ózderińizge bilgili bolǵandai, qalada karantin rejiminiń buzylýyn, sonyń ishinde maska rejimin buzý jaǵdailaryn anyqtaityn mobildi toptar jumys isteidi. Mobildik toptar tirkegen buzýshylyqtar aýdandyq emhanalarǵa beriledi jáne olar boiynsha tiisti sharalar qabyldanady. Ózińizdiń jáne jaqyndaryńyzdyń densaýlyǵyn saqtaý úshin betperde kiiýdi usynamyz. Maska kigen kezde 60-70% - ǵa deiin aýrýdyń aldyn alýǵa bolady»,– dep atap ótti bas dáriger.
Biylǵy jyldyń 2 qarashasynda monitoringilik toptar 27 nysandy tekserdi,nátijiesinde 3-nen buzýshylyqtar anyqtaldy:
- Áýezov aýdany - Aqsai -4 sh.a, Marǵulan k – si, 17d mekenjaiyndaǵy «Miami» dámhanasy - saǵat 23.00-den keiin jumys rejimin buzý;
- Bostandyq aýdany - Abai dańǵyly, 52/2 mekenjaiyndaǵy «Sushi rai» dámhanasy -saǵat 23.00-den keiin jumys rejimin buzý;
- Túrksib aýdany – Aqan Seri kóshesi, 20/5 mekenjaiynda ornalasqan «Lotomatic» oiyn zaly - ýaqytsha tyiym salyndy.
Anyqtalǵan buzýshylyqtar boiynsha zańdy tulǵalarǵa qatysty QR ÁQBtK-niń 425-babynyń 1-bóligine sáikes sharalar qabyldanatyn bolady.
