Almaty aýrýhanalarynda oryn jetkilikti me? Bul saýalǵa brifing barysynda qalalyq Qoǵamdyq densaýlyq saqtaý basqarmasynyń basshysy Kamaljan Nadyrov jaýap berdi, dep habarlaidy "Ult aqparat".
Onyń aitýynsha, naýqastardyń sany kún sanap artyp keledi.
Oryn jetkilikti bolǵanymen, virýs juqyrǵan adamdar sany artyp barady. Árine, biz koronavirýs infektsiiasynyń ártúrli stsenariiine daiyndalýdamyz. Aýrýhanalarda oryn shekteýsiz dep aitýǵa bolmaidy. Oryndy qamtamasyz etýge orai aýyr jaǵdaidaǵy adamdardyń ómirin saqtap qalý úshin saraptama júrgiziledi. Jappai juqtyrý tirkeletin bolsa, bizdiń resýrstarymyz jetispeýshilikke ushyraýy múmkin. Sondyqtan bir jaqqa baratyn kezde oilaný kerek. Eýropa men AQSh-taǵy jaǵdai bizde de qaitalanýy ábden múmkin. Biz halyqtyń erkin júrgenin, kóshedegi adam sanynyń kóptigin kórip otyrmyz. Men halyqty taǵy da jaýapkershilikke shaqyramyn», - dedi ol.
Onyń aitýynsha, Italiia men AQSh-taǵy jaǵdaimen salystyrǵanda, eldegi jáne qaladaǵy epidemiologiialyq ahýal jaman emes.
