Britaniia ǵalymdarynyń zertteý nátijesine sáikes, koronavirýspen aýyrǵan adamda immýnitet kem degende bes aiǵa deiin saqtalady. Sondai-aq qaita juqtyrý yqtimaldyǵy alǵashqyǵa qaraǵanda 83% tómen bolady, dep habarlaidy BBC.
Jalpy, adam aǵzasynda immýnitet saqtalatyn ýaqyt áli de naqty belgisiz.
Ótken jyldyń maýsymy men qarashasy aralyǵynda júrgizilgen zertteýde koronavirýs juqtyrǵan britandyq densaýlyq saqtaý júiesiniń 6614 qyzmetkeriniń derekteri baqylandy. Osy naýqastardyń tek 44-i qaitadan virýs juqtyrǵan.
Ǵalymdardyń aitýynsha, mundai statistika úmit syilaǵanymen, qaita juqtyrǵan adam alǵash virýsqa shaldyqqan adam tárizdi juqpaly bolýy múmkin. «Eger siz aýrýdy jeńip, endi qaýipsizbin dep oilasańyz, sizde aýyr derttiń týyndaý qaýpi tómen bolǵanymen, infektsiiany basqa adamǵa juqtyra alasyz», - dep túsindirdi zertteý avtorlarynyń biri Siýzan Hopkins.
Osyndai qorytyndylardy nazarǵa alǵan Britan biligi barlyq azamattar úide otyrý kerek dep esepteidi.
Oǵan qosa, immýnitettiń bes aiǵa deiin ǵana saqtalatynyn eskersek, ótken jyldyń kókteminde, pandemiianyń alǵashqy tolqyny kezinde aýyrǵan adamdar qaitadan qaýip tobyna enip otyr.
Aýstraliia Oksford vaktsinasynyń tiimdiligine kúmán keltirýde
Aýstraliialyq ǵalymdar toby el úkimetin immýnizatsiia strategiiasyn qaita qaraýǵa shaqyryp jatyr. Olardyń pikirinshe, Oksford ýniversiteti men AstraZeneca kompaniiasy óndirgen vaktsina ujymdyq immýnitet qalyptastyrý úshin tiimsiz.
Immýnologiia salasyndaǵy birneshe maman jáne oppozitsiialyq leiboristik partiia ókilderi synaq kezinde anaǵurlym joǵary tiimdilik kórsetken BioNTech/Pfizer jáne Moderna vaktsinalaryn satyp alý úshin kúsh sala beretinin málimdedi. Densaýlyq saqtaý salasynyń jekelegen sarapshylary da kelesi aidan bastap AstraZeneca preparatymen vaktsinalaýdy toqtatý kerektigin basa aitýda. Degenmen bul usynysty Kanberradaǵy bilik maquldamady.
Aýstraliia meditsina qaýymdastyǵynyń (AMA) prezidenti Endriý Millerdiń aitýynsha, AstraZeneca vaktsinasynyń basqa preparattar siiaqty tiimdi ekeni týraly derek joq, sol sebepti jappai immýnitet qalyptaspaýy múmkin. Miller preparatty qoldanýǵa asyqpaýǵa shaqyrdy.
Onyń túsindirýinshe, AQSh jáne Ulybritaniiamen salystyrǵanda Aýstraliia pandemiia jaǵdaiyn baqylaýda ustap otyr. Halyqtyń úmitin aqtap, eldi eń tiimdi vaktsinamen qamtamasyz etý úshin vaktsinalaý protsesin ýaqytsha toqtata turýǵa múmkindigi bar.
Degenmen Aýstraliia biligi Oksford ýniversiteti men AstraZeneca kompaniiasynyń vaktsinasy virýstan qorǵaitynyna senimdi jáne josparyn ózgertpeitinin aitty. «AstraZeneca vaktsinasy tiimdi, qaýipsiz jáne sapasy joǵary», - dedi Aýstraliianyń bas sanitariia dárigeri Pol Kelli. Aýstraliia 54 mln AstraZeneca vaktsinasyn satyp alǵan.
Aita ketsek, synaq kezinde qatelik ketkeni týraly málimet paida bolǵannan keiin preparatqa degen senim azaidy: eriktilerdiń bir bóligi hattamada kórsetilgendei eki birdei doza emes, bir jarym ekpe alǵan jáne aldyn ala málimet boiynsha solardyń ekpesi tiimdirek bolǵan. Hattamada kórsetilgen eki doza virýstan 62% deiin qorǵai alady, bul Pfizer jáne Moderna (tiimdiligi 90%-dan joǵary) preparattarymen salystyrǵanda aitarlyqtai tómen.
