Italiiada koronavirýstan 13 915 adam kóz jumdy. Bul týraly "Ult aqparat" Memlekettik komissiianyń shuǵyl shtabyna silteme jasap habarlaidy.
Italiiada jańa koronavirýstan bolǵan aýrýdan jáne onyń saldarynan qaitys bolǵandardyń sany táýligine 760 adamdy qurady, pandemiia bastalǵannan beri 13 915 adamǵa jetti. Bul týraly beisenbi kúni Azamattardy qorǵaý departamentiniń basshysy Andjelo Borrelli habarlady.
Horvatiiada jańa koronavirýs infektsiiasyn juqtyrǵandar sany 1 011-ge jetti. Qazirgi ýaqytta bul elde 35 naýqas ókpeni jasandy jeldetý apparattaryna qosylǵan.
Reseide sáýir aiynda tolyǵymen jumyssyz kúnder bolady dep jariialandy. Bul elde 3500-den astam adam juqtyrǵan koronavirýstyń taralýyna bailanysty demalys kúnderin uzartý týraly sheshim qabyldandy.
Kanadada koronavirýsty juqtyrǵandar sany 10 myń adamnan asty. Qazirgi tańda Kanadada koronavirýstyń aǵzada bar-joqtyǵyna bailanysty 257 myńǵa jýyq adam tekserildi, 127 ólim-jitim tirkeldi.
Tailand 3 sáýirden bastap jalpyulttyq komendanttyq saǵatty engizedi. Ol jergilikti ýaqyt boiynsha 22:00-den 04:00-ge deiingi aralyqta bolady.
Ázerbaijan biligi koronavirýsqa bailanysty adamdardyń qozǵalysyna shekteý engizýde. Turǵyndar úiden úsh jaǵdaida ǵana shyǵa alady: meditsinalyq kómek qajet bolǵan jaǵdaida; kúndelikti suranystaǵy ónimder men azyq-túlikti, dári-dármekterdi satyp alýǵa, bank jáne poshta qyzmetterin paidalanýǵa; týysynyń jerleýine qatysýǵa. Osy maqsatta SMS-habarlama jiberý qajet.
Malaviiada (Afrika) alǵashqy 3 adamnyń (COVID-2019) koronavirýs infektsiiasyna shaldyqqany tirkeldi.
