Oksford ýniversiteti vaktsinasyn synaqtan ótkizý 60-tan asqan adamdar úshin senim uialatatyn nátije kórsetti. AQSh-ta aýrýǵa shaldyǵý jáne ólim-jitim kórsetkishi ósip kele jatyr. Bul týraly Bi-bi-si agenttigi habarlady.
Sondai-aq, Facebook qyzmetkerleri keńsege kóshý talabyna shaǵym bildirdi, Tokioda qaýiptiliktiń «qyzyl» deńgeii engizildi.
Sársenbi kúngi keshki jańalyqtar boiynsha, Italiiada táýlik ishinde Covid-19 diagnozy rastalǵan 753 adam qaitys boldy. Eldiń birneshe aimaǵynda qaýiptiliktiń qyzyl deńgeii belgilengen. Endi olarǵa Abrýtstso da qosyldy.
Avstriiada pandemiianyń ekinshi tolqynynan qarttar úii taǵy zardap shegip otyr. 12 qarashaǵa deiin, 40 kúnde onda qaýipti virýstan 323 adam qaitys bolǵan.
Niderlandy elinde eki apta buryn engizilgen qatań shekteýler jumsartyldy.
Germaniiada táýlik ishinde aýrý juqtyrýdyń 22,6 myńnan astam oqiǵasy tirkelgen.
Belgiianyń premer-ministri Aleksandr de Kro biylǵy Rojdestvonyń burynǵydai bolmaitynyn eskertti.
«Rojdestvodan keiin ekinshi tolqynnyń bastalýyn qalamaimyz. Eger merekede saq bolmasaq, úsh nemese tórt aptadan keiin onyń saldaryn kóremiz», - dedi ol.
