Aqmola oblysy koronavirýs infektsiiasynyń taralýy boiynsha kezekti ret «qyzyl» aimaqqa ótti, dep habarlaidy "Ult aqparat".
Aqmola oblysynyń bas memlekettik sanitarlyq dárigeri Ainagúl Mýsina «qyzyl» aimaqqa tez ótýge ne áser etkenin aitty.
«Búgin Aqmola oblysy «qyzyl» aimaqqa ótti. Reprodýktivti sandy esepteý kezinde koronavirýs infektsiiasynyń taralýy ótken aptamen salystyrǵanda 47 jaǵdaiǵa kóbeiip otyr. Reprodýktivti kórsetkish - 1,03. Ol kóp bolǵan jaǵdaida «qyzyl» aimaqqa ótedi», - dedi A.Mýsina.
Onyń aitýynsha, jaǵdai kún saiyn ózgerip otyrady. Aldyn ala birdeme aitýǵa áli erte. Sondyqtan, ózgerister týraly aldaǵy aptada aitylatyn bolady.
Sonymen qatar, QR Densaýlyq saqtaý ministrliginiń málimeti boiynsha, Aqmola oblysynda COVID-19 rastalǵan 6917 jaǵdai tirkeldi. Bir táýlik ishinde 56 aqmolalyq aýyryp, 70 adam saýyǵyp shyqty. 411 adam infektsiialyq statsionarlarda emdelýde. Ólim sany-94. 25 jeltoqsandaǵy reprodýktivti kórsetkish 1,03 qurady.
