Elimizde koronavirýs juqtyrǵan 24 naýqas ókpeni jasandy jeldetý apparatyna qosylǵan. Bul týraly búgin QR densaýlyq saqtaý ministri Eljan Birtanov aitty, dep habarlaidy QazAqparat.
«Kóp jaǵdaida keibir azamattar senbei: «mundai aýrý joq, jai virýs» dep jatady. Ókinishke orai, bul jai aýrý emes, 48 naýqas azamatymyz qaitys boldy. Qosymsha 37 adam basqa aýrýlardyń saldarynan ómirden ótti. Biraq, olardan da koronavirýs tabyldy. Biraq, naqty koronavirýstan qaitys bolǵan adam - 48», - dedi ol Ortalyq kommýnikatsiialar qyzmetindegi brifing barysynda.
Ministr qazirgi kúni jansaqtaý bólimshelerinde jatqan naýqastardyń bar ekendigin basa aitty.
«24 naýqas ókpeni jasandy jeldetý apparatyna qosylǵan. Olar óte kúrdeli pnevmoniiamen aýrǵan naýqastar. Óńirlerdegi bul statistkany kúndelikti qarap otyramyz. Ózimniń baqylaýymda. Árbir óńirde jetkilikti tósek-oryn, apparat bar. Jergilikti atqarýshy organdarmen júrgizilgen jumystardyń negizinde qajetti resrýstardyń barlyǵy daiyndalǵan», - dedi Eljan Birtanov.
