ەلٸمٸزدە كوروناۆيرۋس جۇقتىرعان 24 ناۋقاس ٶكپەنٸ جاساندى جەلدەتۋ اپپاراتىنا قوسىلعان. بۇل تۋرالى بٷگٸن قر دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى قازاقپارات.
«كٶپ جاعدايدا كەيبٸر ازاماتتار سەنبەي: «مۇنداي اۋرۋ جوق, جاي ۆيرۋس» دەپ جاتادى. ٶكٸنٸشكە وراي, بۇل جاي اۋرۋ ەمەس, 48 ناۋقاس ازاماتىمىز قايتىس بولدى. قوسىمشا 37 ادام باسقا اۋرۋلاردىڭ سالدارىنان ٶمٸردەن ٶتتٸ. بٸراق, ولاردان دا كوروناۆيرۋس تابىلدى. بٸراق, ناقتى كوروناۆيرۋستان قايتىس بولعان ادام - 48», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
مينيستر قازٸرگٸ كٷنٸ جانساقتاۋ بٶلٸمشەلەرٸندە جاتقان ناۋقاستاردىڭ بار ەكەندٸگٸن باسا ايتتى.
«24 ناۋقاس ٶكپەنٸ جاساندى جەلدەتۋ اپپاراتىنا قوسىلعان. ولار ٶتە كٷردەلٸ پنەۆمونييامەن اۋرعان ناۋقاستار. ٶڭٸرلەردەگٸ بۇل ستاتيستكانى كٷندەلٸكتٸ قاراپ وتىرامىز. ٶزٸمنٸڭ باقىلاۋىمدا. ەربٸر ٶڭٸردە جەتكٸلٸكتٸ تٶسەك-ورىن, اپپارات بار. جەرگٸلٸكتٸ اتقارۋشى ورگاندارمەن جٷرگٸزٸلگەن جۇمىستاردىڭ نەگٸزٸندە قاجەتتٸ رەسرۋستاردىڭ بارلىعى دايىندالعان», - دەدٸ ەلجان بٸرتانوۆ.
