Ýhannan evakýatsiialanǵan Qazaqstannyń 83 azamatynyń 12-si JRVI-ge bailanysty em qabyldap jatyr. Bul týraly QR Densaýlyq saqtaý ministrliginiń resmi ókili Dias Ahmetshárip aitty, dep habarlaidy QazAqparat.
«Meditsinalyq uiymdar Qytaidan 6 qańtardan keiin turǵylyqty jerine kelgen azamattardyń densaýlyǵyn baqylaýdy jalǵastyrýda. Barlyǵy 24 154 adamǵa baqylaý jasaldy. 15 878-i monitoringten shyǵaryldy. Sońǵy 14 kúnde 8 276 adam qaralyp, 1 609 adam meditsinalyq tirkeýge alyndy. Jalpy, 13 aqpanda 151 adam dene qyzýy kóterilip, JRVI belgilerimen aýrýhanaǵa tústi. 131 adam aýrýhanadan shyǵaryldy. 20 adam aýrýhanada. Naýqastardyń jaǵdaiy jaqsy»,- dedi ministrliktiń resmi ókili.
Onyń atap ótýinshe, evakýatsiialanǵan Qazaqstan Respýblikasynyń 83 azamatynyń 12-si JRVI-ge bailanysty em qabyldap jatyr. Sondai-aq Ýhannan evakýatsiialanǵan Belarýstyń 5, Armeniianyń 1 azamatynyń jaǵdaiy jaqsy.
«Ýhannan evakýatsiialanǵan Qazaqstan Respýblikasynyń Reseidiń Túmen qalasyndaǵy - 3, Ózbekstannyń Tashkent qalasyndaǵy 5 azamatynyń densaýlyqtary jaqsy. Olardyń shaǵymdary joq», - dedi Dias Ahmetshárip.
