Jaqyn kúnderi Shyńǵyshan mazary tabylyp qalýy múmkin, dep habarlaidy "31 arna".
On ai boiyna Arys qalasy mańynda Shyńǵyshan máiitin qazyp jatyrmyz degen kóripkel áiel Janar Altynbekova, toǵyz ǵasyr buryn jerlengen Shyńǵyshan mazarynyń eki bólmeli ishki úiine bar-joǵy 30 santimetr ǵana qaldy deidi.
Kóripkel úńgir ishinde birer qarystyq qabyrǵa arqyly qabirdiń aǵashtan jasalǵan esigi kóringenin aitady. Sondai-aq, Shyńǵyshannyń tastyń ústinde jatqan máiiti, mingen aty, adamnyń qulashy jetpeitin kólemdegi alyp jylan, qabyrǵaǵa jazylǵan 16 sany men belgisiz tildegi qashalyp jazylǵan jazýlar shyqqanyn sýretke túsirgenin aitady. Sondai-aq, sýretterdegi jaryq úńgir astynda kún sáýlesindei jarqyrap tur deidi.
"Úsh metrlik tereńdikke túskennen keiin, oń jaq betinde babanyń ózi jatyr, sol bet jaǵynda aty jatyr. Al bul kisini qorǵap jatqan jylanǵa adamnyń qushaǵy jetpeidi", deidi OQO turǵyny Janar Altynbekova.



