جاقىن كٷندەرٸ شىڭعىسحان مازارى تابىلىپ قالۋى مٷمكٸن, دەپ حابارلايدى "31 ارنا".
ون اي بويىنا ارىس قالاسى ماڭىندا شىڭعىسحان مەيٸتٸن قازىپ جاتىرمىز دەگەن كٶرٸپكەل ەيەل جانار التىنبەكوۆا, توعىز عاسىر بۇرىن جەرلەنگەن شىڭعىسحان مازارىنىڭ ەكٸ بٶلمەلٸ ٸشكٸ ٷيٸنە بار-جوعى 30 سانتيمەتر عانا قالدى دەيدٸ.
كٶرٸپكەل ٷڭگٸر ٸشٸندە بٸرەر قارىستىق قابىرعا ارقىلى قابٸردٸڭ اعاشتان جاسالعان ەسٸگٸ كٶرٸنگەنٸن ايتادى. سونداي-اق, شىڭعىسحاننىڭ تاستىڭ ٷستٸندە جاتقان مەيٸتٸ, مٸنگەن اتى, ادامنىڭ قۇلاشى جەتپەيتٸن كٶلەمدەگٸ الىپ جىلان, قابىرعاعا جازىلعان 16 سانى مەن بەلگٸسٸز تٸلدەگٸ قاشالىپ جازىلعان جازۋلار شىققانىن سۋرەتكە تٷسٸرگەنٸن ايتادى. سونداي-اق, سۋرەتتەردەگٸ جارىق ٷڭگٸر استىندا كٷن سەۋلەسٸندەي جارقىراپ تۇر دەيدٸ.
"ٷش مەترلٸك تەرەڭدٸككە تٷسكەننەن كەيٸن, وڭ جاق بەتٸندە بابانىڭ ٶزٸ جاتىر, سول بەت جاعىندا اتى جاتىر. ال بۇل كٸسٸنٸ قورعاپ جاتقان جىلانعا ادامنىڭ قۇشاعى جەتپەيدٸ", دەيدٸ وقو تۇرعىنى جانار التىنبەكوۆا.
