Foto: Brod.kz
Ánshi ári aktrisa Kámshat Joldybaeva sońǵy kezderi ekrannan nege kórinbei ketkenin aitty, dep habarlaidy Ult.kz.
Ónerpaz Instagram paraqshasynda oqyrmandarynyń suraqtaryna jaýap berip, jeke ómiri men shyǵarmashylyǵyna qatysty syr bólisti.
Eń aldymen kúieýi, akter Ǵaziret Erjanovpen qalai tanysqanyn aitty.
«Iá, biz “Raýza” serialynda tanystyq. Sol kezdegi tanystyq ómirimizdiń jańa kezeńine jol ashty», — dep jaýap berdi.
Sondai-aq Kámshat sońǵy kezderi filmder men serialdarda kórinbeýiniń sebebin de aitty:
«Shúkir, shaqyrtýlar az emes. Biraq qazir kinoǵa túspeýimniń óz sebebi bar. Kinony saǵyndym, al kino meni saǵynǵan shyǵar. Bir kúni biz qaita kezdesemiz», — dep jazdy ol.
Jeli qoldanýshylary aktrisanyń bul jaýabyn jyly qabyldap, onyń ónerge qaita oralýyn asyǵa kútetinin jazyp jatyr.
