Foto: video kadry
Ishki ister ministrligi UQK-men birlesip, “Qorǵas shekara mańy yntymaqtastyǵy halyqaralyq ortalyǵy” AQ aýmaǵyndaǵy saýyqtyrý ortalyǵy men qonaq úi kesheniniń atyn búrkemelep, zańsyz uiymdastyrylǵan pritondar men kazinolardyń jolyn kesti, – dep habarlaidy "Ult aqparat" Polisia.kz portalyna silteme jasap.
Atalǵan árbir nysan táýlik boiy jumys istep, kúzetpen jáne qatań feis-baqylaýmen qamtamasyz etilip, negizinen sheteldik azamattardy ǵana qabyldap otyrǵan.
Qylmystyq “biznes” joǵary paida men qupiialylyqty ýáde ete otyryp, Qazaqstannyń jas qyzdaryn aldap-arbaý arqyly jynystyq quldyqqa tartýǵa baǵyttalǵan.
"Jetisý oblysy politsiia departamenti uiymdasqan qylmysqa qarsy kúres basqarmasynyń jáne UQKD 5 basqarmasynyń qyzmetkerleri prokýratýramen kelise otyryp, bes negizgi figýrantty, onyń ishinde eki sheteldik azamatty ustady.
Sondai-aq intimdik qyzmet kórsetýmen ainalysatyn 18 jastan 36 jasqa deiingi jalpy 21 adam jetkizildi, onyń ishinde 6 sheteldik áiel.
Tintý is-sharalarynyń nátijeleri boiynsha aqsha, oiyn avtomattary, poker ústelderi jáne basqa da zattai dáleldemeler alyndy.
Sotqa deiingi tergep-tekserý Jetisý oblysynyń politsiia departamentimen júrgiziledi", – dedi QR IIM uiymdasqan qylmysqa qarsy kúres departamentiniń ókili Qýandyq Alpys.
Ózge aqparat QPK-niń 201-babyna sáikes jariialaýǵa jatpaidy.
