Qytaimen shekaradaǵy taýar ainalymy týraly derekterdiń alshaqtyǵyn joiý úshin kóterme saýda taýarlaryn jetkizýshilerdiń ústinen tekserý bastaldy, dep habarlaidy QazAqparat.
Bul týraly ortalyq kommýnikatsiialar qyzmetinde ótken brifingide Memlekettik kirister komiteti tóraǵasynyń orynbasary Qairat Miiatov málim etti.
«Qytai shekarasyndaǵy másele únemi kóteriledi. Prezidenttiń tapsyrmasyna bailanysty jumys toby quryldy. Onyń quramyna Bas Prokýratýranyń, Qarjylyq monitoring agenttiginiń, Memlekettik kirister komitetiniń ortalyq apparat ókilderi kirdi. Qazir olar Qytai shekarasynda ókiletti ekonomikalyq operatorlardyń ústinen tekserý júrgizip jatyr. Qalǵan qatysýshylardyń ústinen eshqandai tekserý júrip jatqan joq. Shekaradaǵy búkil rásimder shtattyq rejimde orydalýda, eshqandai keptelis joq», - dedi komitet basshysynyń orynbasary.
Aitýynsha, atalǵan jumys toby tek ókiletti ekonomikalyq operatorlardy ǵana tekserý úshin shyqqan.
«Bul ózderi jeke sanatqa jatady. Olar iri bizneske kóterme saýda jetkizýdi oryndaidy. Tekserýdiń qorytyndysy boiynsha Bas Prokýratýranyń Qarjylyq monitoring agentiginiń ókilderimen birge jeke esep beremiz. Qysqa ýaqyttyń ishinde qandai da bir qorytyndy bar dep aita almaimyz. Tolyqqandy qorytyndy esep túrinde shyǵarylady. Onyń tanystyrylymyna BAQ ókilderin de shaqyramyz dep oilaimyn», - dedi Qairat Miiatov.
