قىتايمەن شەكاراداعى تاۋار اينالىمى تۋرالى دەرەكتەردٸڭ الشاقتىعىن جويۋ ٷشٸن كٶتەرمە ساۋدا تاۋارلارىن جەتكٸزۋشٸلەردٸڭ ٷستٸنەن تەكسەرۋ باستالدى, دەپ حابارلايدى قازاقپارات.
بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى قايرات ميياتوۆ مەلٸم ەتتٸ.
«قىتاي شەكاراسىنداعى مەسەلە ٷنەمٸ كٶتەرٸلەدٸ. پرەزيدەنتتٸڭ تاپسىرماسىنا بايلانىستى جۇمىس توبى قۇرىلدى. ونىڭ قۇرامىنا باس پروكۋراتۋرانىڭ, قارجىلىق مونيتورينگ اگەنتتٸگٸنٸڭ, مەملەكەتتٸك كٸرٸستەر كوميتەتٸنٸڭ ورتالىق اپپارات ٶكٸلدەرٸ كٸردٸ. قازٸر ولار قىتاي شەكاراسىندا ٶكٸلەتتٸ ەكونوميكالىق وپەراتورلاردىڭ ٷستٸنەن تەكسەرۋ جٷرگٸزٸپ جاتىر. قالعان قاتىسۋشىلاردىڭ ٷستٸنەن ەشقانداي تەكسەرۋ جٷرٸپ جاتقان جوق. شەكاراداعى بٷكٸل رەسٸمدەر شتاتتىق رەجيمدە ورىدالۋدا, ەشقانداي كەپتەلٸس جوق», - دەدٸ كوميتەت باسشىسىنىڭ ورىنباسارى.
ايتۋىنشا, اتالعان جۇمىس توبى تەك ٶكٸلەتتٸ ەكونوميكالىق وپەراتورلاردى عانا تەكسەرۋ ٷشٸن شىققان.
«بۇل ٶزدەرٸ جەكە ساناتقا جاتادى. ولار ٸرٸ بيزنەسكە كٶتەرمە ساۋدا جەتكٸزۋدٸ ورىندايدى. تەكسەرۋدٸڭ قورىتىندىسى بويىنشا باس پروكۋراتۋرانىڭ قارجىلىق مونيتورينگ اگەنتٸگٸنٸڭ ٶكٸلدەرٸمەن بٸرگە جەكە ەسەپ بەرەمٸز. قىسقا ۋاقىتتىڭ ٸشٸندە قانداي دا بٸر قورىتىندى بار دەپ ايتا المايمىز. تولىققاندى قورىتىندى ەسەپ تٷرٸندە شىعارىلادى. ونىڭ تانىستىرىلىمىنا باق ٶكٸلدەرٸن دە شاقىرامىز دەپ ويلايمىن», - دەدٸ قايرات ميياتوۆ.
