Qorǵas shekara mańy yntymaqtastyǵy halyqaralyq ortalyǵynda QR Syrtqy ister ministriniń orynbasary Almas Aidarov, QR Qarjy ministriniń orynbasary Rýslan Eńsebaev, QR Mádeniet jáne sport ministriniń orynbasary Órken Bisaqaev, «Kazakh Invest» UK» AQ Basqarma tóraǵasy Baýyrjan Sartbaev jáne Almaty oblysy ákiminiń orynbasary Serik Turdaliev, sondai-aq memlekettik organdar, qaýymdastyqtar ókilderiniń qatysýymen vedomstvoaralyq keńestiń keńeitilgen jinalysy ótti, dep habarlaidy "Ult aqparat".
Jiyn arnaiy ekonomikalyq aimaq aýmaǵyndaǵy obektilerdiń jumysy, infraqurylymynyń jaǵdaiymen tanysý, terminaldardyń kelýshiler men týristerdi qabyldaýǵa daiyndyǵyn tekserý maqsatynda uiymdastyryldy.
Karantin kezeńinde júrgizilgen jóndeý jumystarynan bólek, qonaqtardyń nazaryna shekara mańy yntymaqtastyǵy halyqaralyq ortalyǵynda kelýshilerge qosymsha qolaily jaǵdai jasaý maqsatynda engizilip jatqan jańashyldyqtar tanystyryldy. Solardyń ishinde bilet rásimdeý men bagajdy berýdiń elektrondy formatyn, sondai-aq paidalanýǵa berilmek «Biznes terminaldy» atap ótken jón. «Biznes-terminal» arqyly kelýshilerge pasporttyq jáne kedendik baqylaýdy jalpyǵa belgilengen rejimde ótýge nemese qolaily jaǵdaida jedel tártipte ótý boiynsha tańdaý beriledi.
Aýmaqty aralaý aiaqtalǵan soń vedomstvoaralyq keńestiń keńeitilgen otyrysy ótti.
«Qorǵas» shekara mańy yntymaqtastyǵy halyqaralyq ortalyǵyn qurǵannan bastap, úlken jumys atqaryldy, degenmen áli de talai sharýa bar. Búgin bar máseleler men mindetterdi aiqyndaý, sondai-aq birlesken maquldanǵan is-áreketterge kelý úshin jinaldyq», – dedi «Qorǵas» ShYHO Basqarma tóraǵasy Dinmuhamed Ábsattarov.
Ary qarai jiyn barysynda qatysýshylarǵa «Qorǵas» ShYHO» AEA damý strategiiasy tanystyryldy.Sonymen qatar baiandamashylar «Qorǵas» ShYHO» AEA infraqurylymy boiynsha aǵymdaǵy jaǵdaiy jáne tehnikalyq jabdyqtalýy týraly habarlady.
Spikerdiń málimetinshe, strategiia birinshi kezekte týristik jáne investitsiialyq ahýaldy jaqsartýǵa baǵyttalǵan, bul jait qyzmet jáne taýarlar eksportyn damytýǵa mýltiplikativti áser beredi. Ekinshi kezekte strategiia «Qorǵas» ShYHO» AQ-tyń klientke baǵdarlanǵan kompaniia retindegi qalyptasýyna mán berilgen, úshinshiden injenerlik infraqurylymǵa ekpin jasalǵan.
Jiynǵa qatysýshylar, óz kezeginde, atqarylyp jatqan jumystyń mańyzyn aityp, engizilip jatqan jańashyldyqtardyń ózektiligin atap ótti.
Otyrys qorytyndysy boiynsha Dinmuhamed Ábsattarov «Qorǵas» shekara mańy yntymaqtastyǵy halyqaralyq ortalyǵynda qurylǵan qolaily jaǵdailar onyń ary qaraiǵy keńeiýine jasalǵan bastapqy baza ekenin, ortalyq basshylyǵy jumysty ary qarai jalǵastyratynyn aitty.
«Barlyq áriptesterime alǵys bildirip, mindetterdiń bir bóligi iske asyp jatqanyn aitqym keledi. Biz investitsiialardy qalai tartýǵa bolatynyn keshendi kórip otyrmyz, elshilikter, saýda ókilderimen birlesip jumys istep, kómek berýdemiz. Otandyq damý institýttarymen kelisimsharttar jasaý josparda. Árkimniń jeke segmenti bar, olar seriktesterdi jáne sáikesinshe investordardy tarta alady», – dep atap ótti «Qorǵas» ShYHO Basqarma tóraǵasy.
Aita keteiik, búginde investitsiialyq jobalarǵa 112,73 gektar bólingen, qoldaǵy bos aýdan – 22,56 gektardy quraidy.
Budan bólek, Dinmuhamed Ábsattarov Qorǵas alańyn Shanhai yntymaqtastyq uiymy syndy respýblikalyq jáne halyqaralyq formattaǵy is-sharalardy ótkizýge paidalanýdy usyndy.
