Jýyrda Nur-Sultanda Qorǵanys ministrliginiń qysqy oqý kezeńin qorytyndylaý jóninde alqa otyrysy ótti. Otyrys barysynda el Prezidenti, Qarýly Kúshterdiń Joǵarǵy Bas qolbasshysy Qasym-Jomart Toqaevtyń tapsyrmalaryn oryndaý aiasyndaǵy atqarylyp jatqan qyzmettiń qorytyndylary shyǵaryldy. Qaralǵan máseleler men alqa otyrysynyń nátijeleri jaiynda Strategiialyq damý departamenti bastyǵynyń orynbasary polkovnik Ótepov Alpamys Sapauly jan-jaqty aityp berdi, – dep habarlaidy «Ult aqparat».
Qorǵanys ministrliginiń alqasy bul - Qorǵanys ministrliginiń janyndaǵy Qorǵanys máseleleri Qarýly kúshterdi damytý jáne daiarlaý máseleleri boiynsha alqaly sheshim qabyldanatyn, konsýltativtik keńes beretin organ. Qorǵanys ministrliginiń alqa otyrysy ádette jylyna eki ret bolady. Ol - qysqy jáne jazǵy oqý merzimi aiaqtalǵannan keiin.
«Ótken alqa otyrysynda Qorǵanys ministrliginde kelesi máseleler qarastyryldy. Onyń ishinde Qarýly kúshterdiń jaýyngerlik jáne jumyldyrý daiyndyǵynyń jaǵdaiy, jalpy áskeri Qarýly kúshterdiń qorytyndysy, qysqy oqý merziminde áskerlerdi tehnikalyq qamtamasyz etý jáne qarý-jaraqtar men oq-dárilerdi saqtaý máseleleri qarastyryldy. Odan keiin Qarýly kúshterdi tyldyq jáne meditsinalyq qamtamasyz etý máseleleri jáne áskeri infraqurylymdyq jaǵdaiy qarastyryldy. Alqada Qorǵanys ministrliginiń orynbasarlary óz baǵyty boiynsha baiandamalarynda naqty taldaý jasap, problemalyq máselelerdi kórsete bildi. Jalpy aitqanda, qysqy oqý merziminde bólimshelerdi tekseris ótkizildi. Ol tekseris bólimshelerdiń jaýyngerlik qabilettiligin tekserý, jumyldyrý jáne jaýyngerlik qabiletterin tekserý bolyp esepteledi. Osy ótken kezeńde ártúrli oqý-jattyǵýlar ótti. Onyń ishinde atap aitsaq, jaqynda ótkizilgen strategiialyq komandalyq-shtabtyq oqý-jattyǵý «Batyl toitarys» boldy. Ol jattyǵý kezinde bizdiń ofitserler urystasý tásilderin júrgizý boiynsha naqty tájiribe aldy. Onyń ishinde sol jattyǵýdyń negizinde batalondyq-taktikalyq toptarmen taktikalyq jattyǵýlar ótkizildi. Jattyǵý kezinde bizdiń bólimshelermen áskeri tehnikalarmen joryq jasaldy. Osy jattyǵýda Saq qorǵany, Tank korýseli taktikalyq amaldary jasalyndy. «Batyl toitarys» oqý-jattyǵýy úlken tájiribe boldy. Prezidentimiz, Qarýly Kúshterdiń bas qolbasshysy bergen tapsyrmaǵa bailanysty úlken dárejede ótkizildi dep oilaimyn», – dedi Strategiialyq damý departamenti bastyǵynyń orynbasary polkovnik Alpamys Ótepov.
Onyń aitýynsha, qarý-jaraq tehnikaǵa keletin bolsaq, onyń qorytyndysy jyldyń sońynda bolady. Odan basqa, tehnika men qarý-jaraqtardy jańǵyrtý jáne jóndeý jumystary júrgizilýde. Negizinen aitqanda, barlyq maqsat-mindetteri qysqy oqý jylyna qoiylǵan basty maqsat-mindetter oryndaldy dep eseptelnip otyr. Sonymen qatar, Alqa otyrysynda Qorǵanys ministri birqatar kemshilikterdi de atap ótken.
«Qorǵanys ministri osy ýaqytqa deiin barlyq garnizondardy aralap shyqty. Ár garnizondaǵy áskerlerdiń jaǵdaiyn naqty biledi. Vzvod, rota, batalon komandirleriniń oqý-jattyǵý kezinde urys tásilderin qoldanýda jáne joryqqa shyǵý tásilderin qoldanýda komandirlerdiń qabyldaityn sheshimderiniń tómen deńgeide ekenin atap ótti. Tárbie jáne ideologiialyq jumystaryna bailanysty máseleler aityldy. Jaýyngerlik daiarlyqtyń oqý materialdyq bazalaryna toqtalyp ótti. Oqý synyptary, oqý-jattyǵý poligondaryn synǵa aldy. Qorǵanys ministri áskeri infraqurylymdardyń jaǵdaiyna toqtalyp ótti. Onyń kemshiligi retinde aitqandarynyń ishinde, mysaly, bul sarbazdardyń jatatyn kazarmalarynyń jaǵdaiy jáne sarbazdardyń as ishetin ashanalarynyń jaǵdailaryn jáne olardyń sanitarlyq normalarǵa keltirýin talap etti.
Qorǵanys ministri Alqa sońynda qysqasha qorytyndy jasady. Jáne aldaǵy jyl sońyna deiin kelesi tapsyrmalardy berdi. Onyń ishinde birinshi maqsatta jalpy memlekettik tapsyrma bul – respýblikalyq referendýmdy ótkizý. Bul rette Qorǵanys ministri basqolbasshylarǵa, qolbasshylarǵa, bólim jáne qurylym komandirlerine naqty tapsyrma berdi. Ekinshiden Qorǵanys ministri Qorǵanys kúshterinde tárbie jáne ideologiia jumystaryn túbegeili qaita qurý týraly tapsyrma berdi. Jaýyngerlik daiarlyq boiynsha oqý-jattyǵý synyptaryn, oqý-jattyǵý poligondardy, oqý-jattyǵý ortalyqtaryn qalpyna keltirý boiynsha naqty tapsyrmalar berdi. Jóndeý jáne qaita qalpyna keltirý bólimshelerin qolǵa alýdy aitty. Qorǵanys ministri rota sharýashylyqtaryn qaita qalpyna keltirýdi jáne rota starshinasy laýazymyn qaita engizý týraly tapsyrma berdi. Sonymen qatar, joǵarǵy áskeri oqý oryndarynda oqý baǵdarlamalaryn qaita qarastyrýdy usyndy. Sonymen qatar, jyl sońynda qorytyndyny áskerlerge tek qana oqý-jattyǵý formatynda tapsyrylatyny týraly aitty», – dedi Strategiialyq damý departamenti bastyǵynyń orynbasary polkovnik Alpamys Ótepov.
Esterińizge sala keteiik, jýyrda Nur-Sultanda Qorǵanys ministrliginiń qysqy oqý kezeńin qorytyndylaý jóninde alqa otyrysy ótti. Otyrys barysynda el Prezidenti, Qarýly kKúshterdiń Joǵarǵy Bas qolbasshysy Qasym-Jomart Toqaevtyń tapsyrmalaryn oryndaý aiasyndaǵy atqarylyp jatqan qyzmettiń qorytyndylary shyǵaryldy. Qaralǵan máseleler men alqa otyrysynyń nátijeleri jaiynda Strategiialyq damý departamenti bastyǵynyń orynbasary polkovnik Ótepov Alpamys Sapauly jan-jaqty aityp berdi. Qorǵanys ministrliginiń alqasy - bul Qorǵanys ministrliginiń janyndaǵy Qorǵanys máseleleri Qarýly kúshterdi damytý jáne daiarlaý máseleleri boiynsha alqaly sheshim qabyldanatyn, konsýltativtik keńes beretin organ. Qorǵanys ministrliginiń alqa otyrysy ádette jylyna eki ret bolady. Ol qysqy jáne jazǵy oqý merzimi aiaqtalǵannan keiin.
