Qyzylorda oblysynyń Jalaǵash aýdanynda apatqa ushyraǵan Mi-8 tikushaǵynda 13 adam bolǵan, bári de qaza tapty, dep málimdedi QR Qorǵanys ministrliginiń baspasóz qyzmeti.
"2019 jyldyń 27 naýryzynda QR QK ÁQK Áskeri-áýe kúshteriniń ushaǵy apatqa ushyrady. Saǵat 17:35 kezinde «112» pýltine Qyzylorda oblysynyń Jalaǵash aýdanynda MI-8 tikushaǵynyń apatqa ushyraǵany týraly habarlama kelip tústi. Bortta 13 adam bolǵan. Ázirge oqiǵa ornynan úsh máiit tabyldy. Olardyń kim ekeni áli anyqtalǵan joq. Tikushaqtyń qaldyqtary 500 metr jerden tabylyp otyr. Zardap shekkenderdiń jaǵdaiy anyqtalyp jatyr. Tikushaq 4 áskeri tikushaqtan turatyn bólimniń quramynda Aqtaý qalasynan Shymkent qalasyna bara jatqan", - dep jazylǵan habarlamada.
Qorǵanys ministri general-maior N. Ermekbaevtyń buiryǵymen ministrliktiń arnaiy qurylǵan komissiiasy apat ornyna jiberildi.
"Qazirgi ýaqytta tórt tikushaqtyń ekeýi Qyzylorda qalasyna qondy, al bir tikushaq apat ornyna qaityp oraldy. Qazaqstan Qorǵanys ministrligi Ishki ister ministrligimen birlesip, oqiǵanyń sebebin tergeýdi bastady", - dep tolyqtyrdy ministrliktegiler.
Atalmysh áýe kemesi QR Qorǵanys ministrligine tiesili ekeni anyqtalyp otyr.
