Áleýmettik jelilerde qazaqstandyq áskeri qyzmetshiler Ýkrainaǵa jiberiletini týraly aqparat tarady. QR Qorǵanys ministrligi bul aqparattyń shyndyqqa janaspaitynyn habarlady.
«Beibitshilik pen qaýipsizdikti qoldaý jónindegi halyqaralyq mindettemelerdi oryndaý úshin Qazaqstan Respýblikasy Qarýly Kúshteriniń áskeri kontingentin jiberý týraly sheshimdi el Prezidentiniń tiisti usynysy negizinde Parlament qabyldaidy. Qazaqstan áskeri qyzmetshilerin Ýkrainaǵa nemese odan basqa elge jiberý týraly suraý túsken joq jáne tiisti túrde qaralyp ta jatqan joq.
Jeke quramdy aýystyrýǵa, oqytýǵa, jattyqtyrýǵa qatysty Qazaqstan Qarýly Kúshteriniń jaýyngerlik ázirligi men jaýyngerlik daiarlyǵyn arttyrý sharalary josparly túrde júrgiziledi. Sonymen qatar, biyl 25 aqpan men 3 naýryz aralyǵynda Batys Qazaqstannan elimizdiń ońtústik baǵytynda jóndeý jumystaryn júrgizý úshin temir jol kóligimen áskeri tehnikany josparly aýystyrý júzege asyrylyp jatqanyn habarlaimyz. Odan ózge, atalǵan kezeńde Almaty oblysynan Aqtaý garnizonynyń áskeri bólimin jasaqtaýǵa áskeri avtomobil tehnikasy jiberildi», – dep habarlady vedomstvodan.
