Buqaralyq aqparat quraldarynda Qorǵanys ministrliginiń «GlobalEsologicalGroupAlmaty» JShS-men sot talqylaýy týraly málimetter paida bolýyna bailanysty áskeri vedomstvo túsinik berdi, dep habarlaidy "Ult aqparat".
«Almaty qalasynda Qorǵanys ministrligine qaraityn 15 gektar jer telimi quqyq belgileitin qujat negizinde (1999 jylǵy 29 qazandaǵy Almaty qalasy ákiminiń № 905/189 sheshimi) 2005 jyly Ákimshilik logistika ortalyǵyn salý úshin «GlobalEsologicalGroupAlmaty» JShS-ǵa zańsyz berilgen bolatyn. Jerdi berýdegi zańsyzdyq 2009 jyldyń 15 mamyrynda Almaty qalasy Mamandandyrylǵan aýdanaralyq ekonomikalyq sotynyń jáne 2020 jyldyń 27 shildesindegi Almaty qalasy Azamattyq ister jónindegi sottyń appeliatsiialyq sot alqasynyń sheshimimen belgili boldy» delingen QR QM joldaǵan habarlamada.
Qorǵanys ministrligi qoldanystaǵy zańnamada belgilengen óz mindetterine sáikes jáne prokýratýra organdarynyń talaptary boiynsha sotqa shaǵymdanǵan. 2009 jyldyń 15 mamyrynda Almaty qalasy Mamandandyrylǵan aýdanaralyq ekonomikalyq sotynyń sheshimimen jerdi berýdegi málime zańsyz dep tanylǵan. Osyǵan qaramastan, óz isiniń zańsyz ekeni jóninde habardar bola tura, «GlobalEsologicalGroupAlmaty» JShS-nyń basshylyǵy qurylysty jalǵastyrǵan.
Osy kezeń boiy sot daýy bitpegen.
2020 jyly Almatynyń Azamattyq ister jónindegi sottyń appeliatsiialyq sot alqasy logistikalyq ortalyqty buzýǵa qaýly etip, Qorǵanys ministrliginiń paidasyna sheshim shyǵarady.
«Logistikalyq ortalyqtyń qurylystary ornalasqan jer ýchaskesi áskeri áýeailaqtyń ushý-qoný jolaǵyna tikelei jaqyn ornalasqanyn atap ótý qajet. Bul áýe kemeleri men azamattyq ǵimarattardy paidalanýǵa qaýip tóndiredi. 2019 jyldyń jeltoqsan aiynda Almaty áýejaiynyń janynda salynǵan turǵyn úige qulaǵan «Bek Air» áýe kompaniiasynyń ushaǵynyń apatqa ushyraýy mysal bola alady. Sondai-aq, osy aýmaqta ornalasqan áýe bazasy Qazaqstan Respýblikasynyń áskeri qaýipsizdigin qamtamasyz etý júiesine kiredi», - dep málńmdedi QR Qorǵanys ministrligi.
Logistikalyq ortalyqtyń qyzmetkerleri úshin mańyzdylyǵyn túsine otyryp, Qorǵanys ministrligi birneshe ret ózara qolaily sheshimdi izdeý boiynsha kelissózder júrgizý týraly bastama kótergen. Sonymen birge, atalǵan uiymnyń resmi tulǵalary qyzyǵýshylyq tanytpai, qorǵanys vedomstvosynyń usynystaryn nazarsyz qaldyrady.
Qazirgi ýaqytta, sot bul máselege núkte qoiǵan kezde, Qorǵanys ministrligi dialogqa jáne ózara qolaily sheshimge kelýge daiyn ekenderin málimdep otyr.
