Búgin Qazaqstan Respýblikasy Qorǵanys ministrliginde AÓIQSShK aiasynda yntymaqtastyq basymdyǵy talqylandy. Osy talqylaý aiasynda 2020-2022 jyldarǵa arnalǵan Qazaqstan tóraǵalyǵyndaǵy tujyrymdamany iske asyrý jónindegi is-qimyl josparynyń jobasy qaraldy, - dep habarlaidy «Ult aqparat».
Atalǵan talqylaýdan keiin Qorǵanys ministri Nurlan Ermekbaev Aziiadaǵy ózara is-qimyl jáne senim sharalary jónindegi keńes Sekretariatynyń atqarýshy direktory Qairat Sarybaimen kezdesti. Kezdesýde Qazaqstan Respýblikasy Qorǵanys ministrligi ótkizgen áskeri-saiasat ólsheminiń aýqymyndaǵy is-sharalar talqylandy. Shart aiasyndaǵy múshe elder senim sharalaryn oryndaýdy belsendirý qajettiligin uiymdastyrýǵa usynystar engizdi.
«Qazaqstannyń AÓSShK-degi tóraǵalyǵynyń basymdyqtary, atap aitqanda, Prezident Qasym-Jomart Toqaevtyń 2019 jylǵy Dýshanbe sammitinde málimdegen birqatar bastamalaryn is júzinde iske asyrý máselelerin talqylandy. Sonymen qatar, AÓSShK Hatshylyǵynyń 2021 jylǵa arnalǵan jumys jospary jóninde pikir almasyldy», - dedi Aziiadaǵy ózara is-qimyl jáne senim sharalary jónindegi keńes Sekretariatynyń atqarýshy direktory Qairat Sarybai.
Atap aitqanda, olar qarýly kúshter komponentteri, qorǵanys biýdjetteri, qatysýshy memleketter aýmaǵynda shetel áskeri kontigentteriniń bolýy, shetel armiiasynyń qatysýymen oqý-jattyǵýdy qosa alǵanda josparlaǵan áskeri qyzmetter týraly jyl saiynǵy aqparat almasýǵa qatysty. Sonymen qatar memleketterdiń ishki saiasi jáne qorǵanys vedomstvalary ókilderinen turaqty jumys tobyn qurý usynyldy.
Aziiadaǵy ózara is-qimyl jáne senim sharalary jónindegi keńes Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaevtyń bastamasymen qurylǵanyn aita ketken jón. Óziniń qyzmet atqarǵan ýaqytynan beri bul uiym tiimdi dialog alańyna ainaldy. Oǵan 27 el múshe bolyp, 8 el baqylaýshy atandy. 2020 jyldyń qyrkúieginen bastap Aziiadaǵy ózara is-qimyl jáne senim sharalary jónindegi keńes Qazaqstan Respýblikasyna kóshti.
Esterińizge sala keteiik, Qorǵanys ministrliginde AÓIQSShK aiasynda yntymaqtastyq basymdyǵy talqylandy. Osy talqylaý aiasynda Qorǵanys ministri Nurlan Ermekbaev Aziiadaǵy ózara is-qimyl jáne senim sharalary jónindegi keńes Sekretariatynyń atqarýshy direktory Qairat Sarybaimen kezdesti. Atalǵan kezdesýde Qazaqstan Respýblikasy Qorǵanys ministrligi ótkizgen áskeri-saiasat ólsheminiń aýqymyndaǵy is-sharalar talqylandy.
