بٷگٸن قازاقستان رەسپۋبليكاسى قورعانىس مينيسترلٸگٸندە اٶٸقسشك اياسىندا ىنتىماقتاستىق باسىمدىعى تالقىلاندى. وسى تالقىلاۋ اياسىندا 2020-2022 جىلدارعا ارنالعان قازاقستان تٶراعالىعىنداعى تۇجىرىمدامانى ٸسكە اسىرۋ جٶنٸندەگٸ ٸس-قيمىل جوسپارىنىڭ جوباسى قارالدى, - دەپ حابارلايدى «ۇلت اقپارات».
اتالعان تالقىلاۋدان كەيٸن قورعانىس مينيسترٸ نۇرلان ەرمەكباەۆ ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس سەكرەتارياتىنىڭ اتقارۋشى ديرەكتورى قايرات سارىبايمەن كەزدەستٸ. كەزدەسۋدە قازاقستان رەسپۋبليكاسى قورعانىس مينيسترلٸگٸ ٶتكٸزگەن ەسكەري-ساياسات ٶلشەمٸنٸڭ اۋقىمىنداعى ٸس-شارالار تالقىلاندى. شارت اياسىنداعى مٷشە ەلدەر سەنٸم شارالارىن ورىنداۋدى بەلسەندٸرۋ قاجەتتٸلٸگٸن ۇيىمداستىرۋعا ۇسىنىستار ەنگٸزدٸ.
«قازاقستاننىڭ اٶسشك-دەگٸ تٶراعالىعىنىڭ باسىمدىقتارى, اتاپ ايتقاندا, پرەزيدەنت قاسىم-جومارت توقاەۆتىڭ 2019 جىلعى دۋشانبە سامميتٸندە مەلٸمدەگەن بٸرقاتار باستامالارىن ٸس جٷزٸندە ٸسكە اسىرۋ مەسەلەلەرٸن تالقىلاندى. سونىمەن قاتار, اٶسشك حاتشىلىعىنىڭ 2021 جىلعا ارنالعان جۇمىس جوسپارى جٶنٸندە پٸكٸر الماسىلدى», - دەدٸ ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس سەكرەتارياتىنىڭ اتقارۋشى ديرەكتورى قايرات سارىباي.
اتاپ ايتقاندا, ولار قارۋلى كٷشتەر كومپونەنتتەرٸ, قورعانىس بيۋدجەتتەرٸ, قاتىسۋشى مەملەكەتتەر اۋماعىندا شەتەل ەسكەري كونتيگەنتتەرٸنٸڭ بولۋى, شەتەل ارميياسىنىڭ قاتىسۋىمەن وقۋ-جاتتىعۋدى قوسا العاندا جوسپارلاعان ەسكەري قىزمەتتەر تۋرالى جىل سايىنعى اقپارات الماسۋعا قاتىستى. سونىمەن قاتار مەملەكەتتەردٸڭ ٸشكٸ ساياسي جەنە قورعانىس ۆەدومستۆالارى ٶكٸلدەرٸنەن تۇراقتى جۇمىس توبىن قۇرۋ ۇسىنىلدى.
ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆتىڭ باستاماسىمەن قۇرىلعانىن ايتا كەتكەن جٶن. ٶزٸنٸڭ قىزمەت اتقارعان ۋاقىتىنان بەرٸ بۇل ۇيىم تيٸمدٸ ديالوگ الاڭىنا اينالدى. وعان 27 ەل مٷشە بولىپ, 8 ەل باقىلاۋشى اتاندى. 2020 جىلدىڭ قىركٷيەگٸنەن باستاپ ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس قازاقستان رەسپۋبليكاسىنا كٶشتٸ.
ەستەرٸڭٸزگە سالا كەتەيٸك, قورعانىس مينيسترلٸگٸندە اٶٸقسشك اياسىندا ىنتىماقتاستىق باسىمدىعى تالقىلاندى. وسى تالقىلاۋ اياسىندا قورعانىس مينيسترٸ نۇرلان ەرمەكباەۆ ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس سەكرەتارياتىنىڭ اتقارۋشى ديرەكتورى قايرات سارىبايمەن كەزدەستٸ. اتالعان كەزدەسۋدە قازاقستان رەسپۋبليكاسى قورعانىس مينيسترلٸگٸ ٶتكٸزگەن ەسكەري-ساياسات ٶلشەمٸنٸڭ اۋقىمىنداعى ٸس-شارالار تالقىلاندى.
