QR Qorǵanys ministri bolyp Jasuzaqov Sáken Ádilhanuly taǵaiyndaldy, - dep habarlaidy "Ult aqparat" Aqordaǵa silteme jasap.
Buǵan deiin bul qyzmetti Imanǵali Tasmaǵambetov atqarǵan bolatyn. Ol búgin QR premer-ministriniń orynbasary bolyp taǵaiyndaldy.
Jasuzaqov Sáken Ádilhanuly 1957 jyly qazannyń 25-inde Ońtústik Qazaqstan oblysy Báidibek aýdany Shaldar aýylynda dúniege kelgen.
Almaty joǵary jalpy áskeri komandalyq ýchileshesin (1978), Máskeý áskeri akademiiasyn (1990) bitirgen. 1978 — 1987 jyldary Baltyq boiy áskeri okrýginde barlaý vzvody komandiri, barlaý rotasy komandiri, jeke barlaý batalony shtaby bastyǵy qyzmetterin atqarǵan. 1990 — 1994 jyldary Almaty qalasyndaǵy aýdannyń azamattyq qorǵanys shtaby bastyǵy, Qazaqstan Respýblikasy Qorǵanys ministrligi shtabynyń barlaý bóliminde aǵa ofitser, barlaý basqarmasynyń ǵylymi-aqparat bóliminiń bastyǵy, 1994 — 1996 jyldary Resei Qarýly Kúshteri Bas shtaby áskeri akademiiasynyń tyńdaýshysy, 1996 — 2000 jyldary Qazaqstan Qarýly Kúshteri Bas shtaby bastyǵynyń orynbasary, shuǵyl josparlaý departamentiniń bastyǵy, armiialyq korpýs komandiriniń orynbasary, shtab bastyǵy bolyp jumys jasady. 2000 jyldan áskeri qurama komandiri.
Ult portaly
