Búgin QR Qorǵanys ministri Nurlan Ermekbaev Arys qalasyndaǵy jarylys sebepterin tergep-tekserý jumystary bir aida aiaqtalatynyn aitty.
«Bizdiń oiymyzsha, tergeý amaldary shamamen bir aidyń ishinde aiaqtalady. Keshe jarylys sebepterine qatysty Bas áskeri prokýrordyń orynbasary túsinikteme berdi. Bul qyzmettik salǵyrttyq bolýy múmkin. Budan bólek, basqa da nusqalar qarastyrylýda. Mysaly, tez janatyn zattardyń órtenýi, elektr jelisiniń tuiyqtalýy bolýy múmkin. Qasaqana órt qoiý áreketi de tekserilýde. Biz osy nusqalardyń bireýin de ázirge joqqa shyǵara almaimyz. Sondyqtan menińshe, Bas áskeri prokýratýranyń baqylaýymen Ishki ister ministrligi qurǵan tergeý toby júrgizetin tergeý jumystary óz nátijesin beredi», - dedi Nurlan Ermekbaev Senat kýlýarynda jýrnalisterge bergen suhbatynda.
Buǵan qosa, Qorǵanys ministri barlyq kináli adamdar jaýapqa tartylatynyn aitty.
