Qorǵanys ministri Arys qalasynyń aqsaqaldarymen jáne qoǵam ókilderimen kezdesti. Bul týraly vedomstvonyń baspasóz qyzmeti habarlady.
Kezdesý barysynda turǵyndar óńirde tótenshe jaǵdaidyń saldaryn joiý jáne qalanyń tynys-tirshiligin qalpyna keltirý jónindegi jumystardyń barysy týraly Qorǵanys ministrligi júrgizip jatqan sharalar týraly aqparattandyryldy.
Qorǵanys vedomstvosynyń basshysy arsenaldaǵy múmkin bolǵan sebepter týraly aityp berdi. Olardyń arasynda nemqurailyq, qasaqana órteý, órtke qarsy qaýipsizdik erejeleriniń buzylýy jáne t.b. sebepter bar. Arys qalasynyń turǵyndary oq-dáriler fragmentterin kádege jaratý, qalǵan oq-dárilerdi áketý kezindegi qaýipsizdik sharalaryna qatysty kókeide júrgen suraqtaryn qoidy. Sondai-aq, qalanyń birqatar aýdandarynda qurylys jumystaryn tezdetý týraly saýal kóterildi.
Kezdesýge qatysýshylar saperlar men áskeri órt sóndirýshilerdiń joǵary kásibilikterin atap ótip, olardyń jumysyna joǵary baǵa berdi.
Esterińizge sala ketsek, búgingi kúni qalada saperlar jasaǵy, ushqyshsyz ushatyn apparattar óz jumystaryn jalǵastyrýda. Udaiy áýeden barlaýdy júrgizýde, arsenal men qala mańyna irgeles jerdiń monitoringisin júrgizýde. Al odan keiin aqparatty jedel shtabqa taratýda. Qosymsha tikushaqpen ushyp ótý júzege asyrylýda. Saperlar toby páterler men úilerdi tekserýdi jalǵastyrýda.
Áskeriler qaladan 60 km qashyqtyqta ornalasqan poligondaǵy oq-dárilerdiń fragmentterin joiýdy jalǵastyrýda. «Ártúrli kúmándi zattardyń tabylýy máseleleri boiynsha jergilikti turǵyndarmen belsendi túsindirý jumysy júrgizilýde. Úilerdi tekserý júrgizilýde. Taiaý ýaqytta tergeý jumystary aiaqtalyp, kináli adamdar anyqtalatyn bolady jáne zańǵa sáikes qatań jaýapqa tartylady. Osy oqiǵaǵa qatysty barlyq suraqtar meniń jeke baqylaýymda», - dedi qorǵanys ministr Nurlan Ermekbaev.
Aǵymdaǵy jyldyń 5 shildesinen bastap Qorǵanys ministrligi qalǵan oq-dárilerdi áketýdi bastady.
Sonymen qatar, kezdesýge Eńbek jáne áleýmettik qorǵaý ministri Berdibek Saparbaev qatysty.
