قورعانىس مينيسترٸ ارىس قالاسىنىڭ اقساقالدارىمەن جەنە قوعام ٶكٸلدەرٸمەن كەزدەستٸ. بۇل تۋرالى ۆەدومستۆونىڭ باسپاسٶز قىزمەتٸ حابارلادى.
كەزدەسۋ بارىسىندا تۇرعىندار ٶڭٸردە تٶتەنشە جاعدايدىڭ سالدارىن جويۋ جەنە قالانىڭ تىنىس-تٸرشٸلٸگٸن قالپىنا كەلتٸرۋ جٶنٸندەگٸ جۇمىستاردىڭ بارىسى تۋرالى قورعانىس مينيسترلٸگٸ جٷرگٸزٸپ جاتقان شارالار تۋرالى اقپاراتتاندىرىلدى.
قورعانىس ۆەدومستۆوسىنىڭ باسشىسى ارسەنالداعى مٷمكٸن بولعان سەبەپتەر تۋرالى ايتىپ بەردٸ. ولاردىڭ اراسىندا نەمقۇرايلىق, قاساقانا ٶرتەۋ, ٶرتكە قارسى قاۋٸپسٸزدٸك ەرەجەلەرٸنٸڭ بۇزىلۋى جەنە ت.ب. سەبەپتەر بار. ارىس قالاسىنىڭ تۇرعىندارى وق-دەرٸلەر فراگمەنتتەرٸن كەدەگە جاراتۋ, قالعان وق-دەرٸلەردٸ ەكەتۋ كەزٸندەگٸ قاۋٸپسٸزدٸك شارالارىنا قاتىستى كٶكەيدە جٷرگەن سۇراقتارىن قويدى. سونداي-اق, قالانىڭ بٸرقاتار اۋداندارىندا قۇرىلىس جۇمىستارىن تەزدەتۋ تۋرالى ساۋال كٶتەرٸلدٸ.
كەزدەسۋگە قاتىسۋشىلار ساپەرلار مەن ەسكەري ٶرت سٶندٸرۋشٸلەردٸڭ جوعارى كەسٸبيلٸكتەرٸن اتاپ ٶتٸپ, ولاردىڭ جۇمىسىنا جوعارى باعا بەردٸ.
ەستەرٸڭٸزگە سالا كەتسەك, بٷگٸنگٸ كٷنٸ قالادا ساپەرلار جاساعى, ۇشقىشسىز ۇشاتىن اپپاراتتار ٶز جۇمىستارىن جالعاستىرۋدا. ۇدايى ەۋەدەن بارلاۋدى جٷرگٸزۋدە, ارسەنال مەن قالا ماڭىنا ٸرگەلەس جەردٸڭ مونيتورينگٸسٸن جٷرگٸزۋدە. ال ودان كەيٸن اقپاراتتى جەدەل شتابقا تاراتۋدا. قوسىمشا تٸكۇشاقپەن ۇشىپ ٶتۋ جٷزەگە اسىرىلۋدا. ساپەرلار توبى پەتەرلەر مەن ٷيلەردٸ تەكسەرۋدٸ جالعاستىرۋدا.
ەسكەريلەر قالادان 60 كم قاشىقتىقتا ورنالاسقان پوليگونداعى وق-دەرٸلەردٸڭ فراگمەنتتەرٸن جويۋدى جالعاستىرۋدا. «ەرتٷرلٸ كٷمەندٸ زاتتاردىڭ تابىلۋى مەسەلەلەرٸ بويىنشا جەرگٸلٸكتٸ تۇرعىندارمەن بەلسەندٸ تٷسٸندٸرۋ جۇمىسى جٷرگٸزٸلۋدە. ٷيلەردٸ تەكسەرۋ جٷرگٸزٸلۋدە. تاياۋ ۋاقىتتا تەرگەۋ جۇمىستارى اياقتالىپ, كٸنەلٸ ادامدار انىقتالاتىن بولادى جەنە زاڭعا سەيكەس قاتاڭ جاۋاپقا تارتىلادى. وسى وقيعاعا قاتىستى بارلىق سۇراقتار مەنٸڭ جەكە باقىلاۋىمدا», - دەدٸ قورعانىس مينيستر نۇرلان ەرمەكباەۆ.
اعىمداعى جىلدىڭ 5 شٸلدەسٸنەن باستاپ قورعانىس مينيسترلٸگٸ قالعان وق-دەرٸلەردٸ ەكەتۋدٸ باستادى.
سونىمەن قاتار, كەزدەسۋگە ەڭبەك جەنە ەلەۋمەتتٸك قورعاۋ مينيسترٸ بەردٸبەك ساپارباەۆ قاتىستى.
